چترال (نما یندہ چترال میل)ڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے۔ڈپٹی کمشنر اپر چترال نے دیگر معزیزین کی موجودگی میں رحمت کریم خان ولد میر حیدر خان سکنہ چوئنج اور شایان اللہ ولد سردار علی شاہ سکنہ کھوت کے لواحقین میں صوبائی حکومت کی طرف سے 10,10لاکھ کے امدادی چیک تقسیم کئے۔ امدادی چیک رحمت کریم خان کے لواحقین جبکہ شایان اللہ کے والد نے وصول کئے۔ رحمت کریم خان سکنہ چوئنج شارٹ سرکٹ کی وجہ سے فوت ہوا تھا جبکہ شایان اللہ سکنہ کھوت سکول جاتے ہوئے دیوار گرنے کی وجہ سے وفات پاچکے تھے۔
