اپر چترال ( نمائندہ چترال میل ) ایڈیشنل ڈپٹی کمشنر جنرل اپر چترال فدالکریم نے چیکار بروغل میں کھلی کچہری کا اہتمام کیا۔کھلی کچہری میں علاقے کے لوگوں نے کثیر تعداد میں شرکت کی۔کھلی کچہری میں علاقے کے عمائدین نے مختلف مسائل ایڈیشنل ڈپٹی کمشنر کے سامنے پیش کئے۔ جن میں بروغل سٹرک کی مرمت، کرایوں میں اضافے، گورنمنٹ سکول میں تبدیل ہونے والے ٹیچر کی جگہ دوسرے ٹیچر کی تقرری سمیت دیگر مسائل شامل تھے۔ ایڈیشنل ڈپٹی کمشنر نے اس موقع پر لوگوں کو یقین دلایا کہ ان کے تمام مسائل ترجیحی بنیادوں پر حل کئے جائیں گے۔ بعد ازاں چیلمار اباد بروغل میں بھی کھلی کچہری کا اہتمام کیا گیا۔کھلی کچہری میں علاقہ چیلمیار آباد بروغل کے رہائشیوں نے شرکت کی اور علاقے کو درپیش مختلف مسائل بیان کئے جن میں گودام میں گندم کا وزن کرنے کے لئے weighing scale کی فراہمی سمیت دیگر مختلف مسائل شامی تھے۔ ایڈیشنل ڈپٹی کمشنر نے لوگوں کو یقین دلایا کہ ان کے تمام مسائل ترجیحی بنیادوں پر حل کئے جائیں گے۔