چترال (نمائندہ چترال میل) چترال کے سینئر صحافی تاج محمد فگار جمعرات کے روز اچانک حرکت قلب بند ہونے کی وجہ سے انتقال کرگئے۔وہ گزشتہ تین دہائی سالوں سے روز نامہ جہاد پشاور اور دوسرے اخبارات کے ساتھ منسلک تھے جبکہ چترال پریس کلب میں وہ مختلف عہدوں پر کام کرتے رہے جن کا شمار چترال کے بانی صحافیوں میں ہوتا تھا۔ وہ صاحب طرزشاعر بھی تھے جن کے کھوار شاعری کے دو مجموعے بھی شائع ہوچکے ہیں جن میں مرگست کو بہت ہی پذیرائی ملی۔ ان پر جمعرات کے صبح ہارٹ اٹیک ہونے پر ڈسٹرکٹ ہیڈ کوارٹرز ہسپتال میں داخل کردیا گیا جہاں وہ جانبر نہ ہوسکے۔ انہیں جمعہ کے روز 10صبح بجے ان کے آبائی قبرستان واقع ژانگ بازار میں سپرد خاک کیا جائے گا۔ وہ پشاور یونیورسٹی کے پروفیسر (ریٹائرڈ) اسرارالدین، سابق ایم۔ ایس ڈسٹرکٹ ہیڈ کوارٹرز ہسپتال ڈاکٹر فدا عزیز الدین، کپٹن (ریٹائرڈ) سریر الدین، کھوار کے ادیب اور شاعر نسیم احمد اور علاء الدین صابر کے چچا زاد بھائی اور ایڈیشنل ڈپٹی کمشنرچترال مہناس الدین، آئی۔بی کے اسسٹنٹ ڈائرکٹر تمیز الدین، ڈینٹل سرجن محب الدین کے چچا اور الفلاح بنک کے افیسر فہد افتخار الدین کے والد بزرگوار تھے۔ دریں اثناء چترال پریس کلب میں ایک ہنگامی تغزیتی اجلاس صدر ظہیر الدین کے زیر صدارت منعقد ہوا جس میں مرحوم کے روح کی ایصال ثواب کے لئے فاتحہ خوانی ہوئی۔ ان کی رحلت کو چترال میں صحافتی حلقے کے لئے ناقابل تلافی نقصان قرار دیاگیا۔ ادھر انجمن ترقی کھوار چترال کے صدر شہزادہ تنویر الملک نے ایک اخباری بیان میں مرحوم کے خاندان کے ساتھ دلی تغزیت کی ہے۔انہوں نے کھوار زبان وادب کی ترقی میں مرحوم کی خدمات کو قابل قدر قرار دیا ہے۔
