چترال (نمائند ہ چترال میل) جمعیت طلبائے اسلام کے سابق مرکزی رہنما اور جے یو آئی کے نوجوان قائد فضل الرحمن چترالی نے پارٹی کارکنوں کی بھر پور اصرار اور چترالی عوام کی خواہش پر آنے والے عام انتخابات میں پارٹی کے پلیٹ فارم سے قومی اسمبلی کی نشست این اے ون چترال سے الیکشن لڑنے کا فیصلہ کرلیا۔جمعہ کے روز چترال میں مقامی میڈیا سے گفتگوکرتے ہوئے انہوں نے کہاکہ چترال میں پارٹی کے پلیٹ فارم سے انتخاب لڑنے کا فیصلہ انہوں نے پارٹی کے کارکنوں کی خواہش کے مدنظر کررہے ہیں اور اس سلسلے میں باقاعدہ طور پر پارٹی کی مرکزی سیکرٹریٹ کو درخواست پیش کردی ہے۔ انہوں نے کہاکہ قائد جمعیت اور امت مسلمہ کی امیدوں کا مرکز شیخ القرآن والحدیث حضرت مولانا فضل الرحمن کی وژن کے مطابق چترالی عوام کی نمائندگی کرنا اور ان کے گھمبیر اور پیچیدہ مسائل حل کرنا ان کی زندگی کا مشن ہے جس کے لئے وہ انتخابی میدان میں کودپڑنے کافیصلہ کرلیا ہے اور پارٹی قیادت نے اگر موقع فراہم کیاتو چترال کے عوام انہیں بھاری اکثریت سے کامیاب کریں گے کیونکہ اب تک مختلف پارٹیوں کے منتخب شدہ قیادت نے اس عوام کو مایوسی کے سوا کچھ نہیں دیا اور اپنے اپنے الو سیدھا کرتے رہے اور یہی وجہ ہے کہ عام ووٹر جمعیت اور دوسرے تمام جماعتوں کے پلیٹ فارم پر نوجوان قیادت کے منتظر ہیں۔ فضل الرحمن چترالی نے کہاکہ وہ چترال کی ترقی اور اس کے عوام کو خوشحال دیکھنے کے خواب شروع سے دیکھتے آرہے ہیں اور اس خواب کو شرمندہ تعبیر کرنے کے لئے انہوں نے اپنی کاروبار کی قربانی دے کر ایک ایسی جماعت کا انتخاب کیا جوکہ ہمیشہ اس مملکت خداداد میں اسلام اور عوام کی بات کی اور مولانامفتی محمود سے لے کرمولانا فضل الرحمن اور مولانا اسجد محمود تک کی زندگی اس کی عملی تفیسر ہیں۔ انہوں نے اس امید کا اظہار کیاکہ پارٹی قیادت انہیں ٹکٹ دے کر چترالی عوام کی دل وجان سے خدمت کرنے کا موقع دیں گے جس کے لئے چترال کے عوام پارٹی سے بالا تر ہوکر انتظارکررہے ہیں۔
تازہ ترین
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا
- ہوماظہار تشکر ۔۔ ہم ان تمام عزیز و اقارب،دوستوں اور بہی خواہوں کے شکر گزار ہیں۔۔حاجی سید احمد بمبوریت و فیملی
- ہوماپر اور لویر چترال کے اضلاع میں ڈسٹرکٹ بار ایسوسی ایشن کے انتخابات مکمل ہوگئے جن میں ساجد اللہ ایڈوکیٹ لویر چترال اور گل مراد خان ایڈوکیٹ اپر چترال کے صدر منتخب ہوگئے