چترال (نما یندہ چترال میل ) جمعرات کے روز شاہی مسجد چترال میں منعقدہ پیغام پاکستان کانفرنس میں علمائے کرام اور دوسرے مقررین نے اس بات کا بھر پور اعادہ کیا کہ وطن عزیز پاکستان کو ہمارے بزرگوں نے بیش بہا قربانیوں کے نتیجے میں حاصل کیا ہے اور ہم پر لازم ہے کہ اس کی عظمت پر کسی حال میں آنچ آنے نہ دیں اور اس کے خلاف مذموم سازش کرنے والے منفی عناصر کو پہچان لیں اور ان کے مقاصد کو ناکامی سے دوچار کریں تاکہ ملک ترقی کی راہ پر گامزن ہو اور اس کے ادارے اپنے کام کرتے ہوئے اپنی ذمہ داریاں نبھاتے رہیں۔ معروف عالم دین مولانا اسرار الدین الہلال کے زیر صدارت اس کانفرنس میں شاہی مسجد چترال کے خطیب مولانا خلیق الزمان نے کہاکہ آزادی عظیم نعمت ہے اور اس آزادی کی کامل حفاظت کے لئے ہمارے صفوں میں مکمل اتحاد واتفاق کا ہونا لازمی ہے اور تمام قدرتی وسائل سے مالا مال اس ملک کو ترقی دینے کی راہ میں رکاوٹوں اور مشکلات کو ختم کرنے میں ہمیں ایک سیسہ پلائی ہوئی قوم کی مانند عمل کرنا ہوگا۔ مولانا قاضی سلامت اللہ نے کہاکہ قرارداد مقاصد میں قرآن وسنت کو ملک کا سپریم لاء قرار دیا گیا جوکہ اس کی اسا س کی حیثیت رکھتی ہے لیکن بعض عناصر ملک کی سیاسی کلچر کو ناقابل تلافی نقصان پہنچارہے ہیں، علمائے کرام کو ٹارگٹ بنائے جارہے ہیں اور سوشل میڈیا کے ذریعے اخلاقیات کاجنازہ نکالنے کی کوشش کی جارہی ہے۔ انہوں نے زور دے کرکہاکہ ہمیں دشمنوں کا آلہ کار بننے اور اور اس کی جڑوں کو نقصان پہنچانے والوں کو سختی سے مسترد کرے جوکہ کلاشنکوف سے ذیادہ مہلک اور خطرناک ثابت ہوسکتے ہیں۔ مولانا محمد قاسم نے کہاکہ مملکت خداداد پاکستان کو قربانیوں کے نتیجے میں حاصل کیا گیا تھا لیکن ایک سازش کے تحت یہاں ایک طبقہ ملک میں امن وامان کی صورت حال کو مخدوش کرکے، ملکی اداروں کے خلاف زہر افشانی کرکے اپنے مذموم مقاصد کی تکمیل میں سرگرم عمل ہے جن کے خفیہ ایجنڈے سے عوام کو باخبر رہنا چاہئے۔ مولانا اسرا ر الدین الہلال نے عوام پر زور دیاکہ وہ ان حالات میں ملک کی مفاد کو سب پر مقدم رکھے اور اپنے قول وفعل سے ملک کے ساتھ وفاداری اور اس کے مفاد کو تمام چیزوں پر ترجیح دے تاکہ کلمہ طیبہ کے نام پر حاصل کردہ اسلام کی یہ قلعہ ترقی کی راہ پر روان دواں رہے۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا