اپر چترال ( نمائندہ چترال میل )ایڈیشنل ڈپٹی کمشنر اپر چترال محمد عرفان الدین بہمراہ مکرم خان افریدی ایڈیشنل اسسٹنٹ کمشنر موڑکہو/تورکھو اور ربنواز خان تحصیلدار مستوج نے آج مورخہ 14/5/2020 کو نادرا آفس بونی کا دورہ کیا۔ جہاں شناختی کارڈ کے حصول اور احساس پروگرام کے لئے اہل مرد و خواتین اپنے ایکسپائر شدہ شناختی کارڈز کے تجدید کی عرض سے کثیر تعداد میں موجود تھیں۔ خواتین کے پردے اور دوسرے مسائل کو مد نظر رکھتے ہوئے ایڈیشنل ڈپٹی کمشنر اپر چترال نے موقع پر احکامات صادر کرتے ہوئے 20 عدد کرسیوں کا بندوبست کروایا اور تحصیل موڑکہو/تورکہواور سب تحصیل مستوج/یارخون اور بروغل ویلی کے لئے نادرا موبائل ٹیم کی فراہمی کے لئے ڈائریکٹر جنرل نادرا کو لیٹر بھی ایشو کر دیا۔ مذید برآں انچارج نادرا بونی کو لوگوں کو بے جا رش سے روکنیاور سماجی فاصلوں کو برقرار رکھنے کے حوالے سے سختی سے ہدایت کی گئی۔
