چترال (نمائندہ چترال میل) دروش کے نواحی گاؤں لاوی کے عمائیدین ناصر محمود، امین محمود، خورشید احمد، عبدالباسط، محمد دین، سجاد احمد اور دوسروں نے ضلعی انتظامیہ اور عدلیہ سے پرزور مطالبہ کیا ہے کہ لاوی کے چراگاہ کی ملکیت کے بارے میں سیشن جج چترال کے فیصلے پر عملدرامد کویقینی بنائی جائے اور مشترکہ چراگاہ پر تجاوزات کے بارے میں مکمل تحقیقات کرکے حقائق کو سامنے لایا جائے جس پر چند لوگ لینڈ سیٹلمنٹ کی مدد سے قابض ہوگئے ہیں۔ ہفتے کے دن چترال پریس کلب میں ایک مشترکہ پریس کانفرنس سے خطاب کرتے ہوئے انہوں نے کہاکہ جب چراگاہوں سے استفادہ کے مسلمہ اصولوں کے خلاف چند افراد نے قبضہ جمالیا تو سول جج دروش کے عدالت سے رجوع کیا گیا جس نے کمیشن کی رپورٹ کی روشنی میں اس قبضے کو غیر قانونی قرار دیا اور اس فیصلے کو سیشن کورٹ چترال نے بھی برقرار رکھا لیکن اس سب کے باوجود لینڈ سیٹلمنٹ کے اسٹاف کی ملی بھگت سے اس چراگاہ کے ایک بڑے حصے کو اپنے نام منتقل کرایا جو کہ عدالتی احکامات کے منافی قدم ہے۔ انہوں نے اس امر پر افسوس ا ور تشویش کا اظہار کیا کہ عدالت کے فیصلہ جات پر بھی عملدرامدنہ ہوجائے تو انصاف کے لئے کس کے پاس جائیں۔ لاوی کے معززین نے کہاکہ گزشتہ دنوں کے پریس کانفرنس میں ان کے مخالفین نے گاؤں کے ایک انتہائی شریف النفس اور اعلیٰ تعلیم یافتہ شخص پروفیسر غنی الرحمن پربے سروپا اور بے بنیاد الزامات عائد کی ہیں جوکہ 2004ء سے وہ گاؤں چھوڑ کر چترال شہر میں آباد ہے اور گاؤں کی چراگاہ کے تنازعے میں ان کاکوئی کردار نہیں ہے۔ انہوں نے کہاکہ گاؤں کے چراگاہ کو غیر قانونی قابضین سے واگزار کرانا گاؤں والوں کی ذمہ داری ہے جسے سب نبھارہے ہیں اور یہ بات بھی حقیقت ہے کہ چراگاہ پر قبضے سے گاؤں کا وسیع وعریض رقبے پر پھیلا جنگل بھی خطرے کی زد میں ہے۔ناصر محمود نے کہاکہ اس ناانصافی کو وزیر اعظم پاکستان کے نوٹس میں لانے کے لئے وہ اسلام آباد میں بنی گلہ سمیت قومی اسمبلی اور صوبائی اسمبلی کے سامنے بھی دھرنا دینے کو تیار ہیں۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ