گرم چشمہ (نمائندہ چترال میل) چترال میل گرم چشمہ روڈ سے سفر کرتے ہوئے دروشپ کے مقام پر موجود پل جو کہ چوم بور پل کے نام سے مشہور ہے جس کی ہر پانچ مہینے بعد مرمت میں لاکھوں روپے گنوائے جاتے ہیں۔لاکھوں روپے کے سالانہ کی اس بجٹ سے اس مقام پر آر سی سی پل آسانی سے تعمیر کیا جاسکتا ہے مگر سی این ڈبلیو کا محکمہ انتہائی کم لاگت سے آر سی سی پل تعمیر کرنے کے بجائے اسی پل کی ہر پانچ ماہ بعد مرمت کے نام پر لاکھوں روپے ضائع کرتی ہے جس میں یقینا کئی بااثر افراد کا حصہ ہوتاہے۔ گرم چشمہ کا علاقہ آلو کی پیدوار کے لئے پورے علاقے میں شہرت رکھتی ہے مگر آلو کی فصل کو مارکیٹ تک پہنچانے میں یہ پل سب سے بڑی رکاوٹ ہوتی ہے اس سال فروری کے مہینے سے پل کی شہتیریں ٹوٹ چکی ہیں ہلکی گاڑیاں بڑی مشکل سے پل پار کرسکتی ہیں آلو کی بیچ کے جو ٹرک گرم چشمہ آئے وہ پل کراس کرنے میں ناکام رہے بلکہ باقاعدہ سی این ڈبلیو نے پل کے دونوں اطراف اشتہار لگایا کہ پل ٹوٹ چکا ہے اور کسی فرد کے گاڑی سمیت پل کراس کرتے ہوئے پل گرنے کی صورت میں ان کے خلاف قانونی کارروائی کی جائے گی۔ پل کے ایک حصے کو باقاعدہ پتھر رکھ ٹریفک کے لئے بند کردیا گیا جس کی وجہ سے ٹریفک اور پیدل چلنے والوں کو شدید مشکلات کا سامنا کرنا پڑ رہا ہے۔
علاقے کے لوگوں نے ہمارے نمائندے سے بات کرتے ہوئے کہا کہ ضلعی حکومت ہر سال آلو کی پیدوار پر ٹیکس میں اصافے کی کوشش تو کرتی ہے مگر اس پل کی مرمت کرنے پر کوئی بھی فرد توجہ دینے پر تیار نہیں۔ انہوں نے الزام لگایا کہ پل کی مرمت کے نام پر کچھ بااثر لوگ لاکھوں روپے خردبرد کرنے میں ملوث ہیں۔ انہوں نے حکومت سے اپیل کی ہے کہ اگر سی اینڈ ڈبلیو کے پاس آر سی سی پل کی تعمیر کے لئے فنڈز موجود نہیں تو علاقے کے لوگ چندہ جمع کرکے آر سی سی پل تعمیر کرسکتے ہیں اور پل کی تعمیر کے لئے کسی بھی محکمے کو جتنی رشوت چاہئے وہ بھی چندے کی رقم سے فراہم کرسکتے ہیں۔ کیونکہ روزانہ سینکڑوں کے حساب سے علاقے کے لوگ اس پل سے سفر کرتے ہیں، گرم چشمہ کے علاقے کو باقی ملک سے ملانے کا یہ واحد ذریعہ ہے۔ اس پل سے سینکڑوں کی تعداد میں بچے سکول و کالج جانے کے لئے سفر کرتے ہیں اور پل کی خستہ حالت سے کسی بھی وقت کوئی بھی سانحہ رونما ہوسکتا ہے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما