چترال(نما یندہ چترال میل) پاکستان پیپلز پارٹی ضلع چترال کے صدرو سابق صو بائی وزیر سلیم خان نے کہا ہے کہ سیلکٹڈ حکومت کا پہلا وفاقی بجٹ عوام دشمن بجٹ ہے غریب لوگوں کے اوپر مہنگائی کا بم گرایا ہے پیپلزپارٹی اس عوام دشمن بجٹ کو مسترد کرتی ہے-پی ٹی آئی کی سلیکیڈحکومت کاپہلابجٹ غریب عوام کی کمزتوڑدی ہے اس بجٹ میں میں عام لوگوں کے استعمال کے ہر چیز کے اوپر ہوش روباٹیکس لگایا گیاہے اس بجٹ کے پاس ہو نے کے بعد عام لوگوں کے استعمال کی ہرچیز مہنگی ہو جائے گی اشیاء خردنوش سے لیکر تیل وگیس اور بجلی بھی مہنگی کر دی گئی ہے – انہو ں نے کہا کہ تنخواہ دار طبقے کے امیدوں پر پانی پھردیاگیا-یہ نااہل حکومت کا پہلا بجٹ تھا جو کہ آئی ایم ایف کے فارمولے کے مطابق بنایا گیا تھایہ بات بہت افسوس سے کہنا پڑتاہے کہ حکومت نے ملک کو آئی ایم ایف کے پاس گروی رکھ دی ہے اس کی زند ہ مثال یہ ہے پاکستان کا بجٹ بھی آئی ایم ایف بنانے لگاہے یہ ملک کی تاریخ کا ناکام ترین حکومت ہے جوکہ اپنی بجٹ بھی خود نہیں بنا سکتا ہے مو جو دہ نا اہل حکومت نیب کو اپوزشن کے خلاف اپنا ڈھال بناکر اپوزشن کے لیڈوروں سے سیاسی انتقام پر اترآیا ہے جو کہ اپوزشن کو دباؤ ڈال کر مو جو د ہ بجٹ پاس کروانا چاہتاہے مگر نیازی اپنے مذموم مقاصدمیں میں کبھی بھی کامیاب نہیں ہو سکیں گے-
