چترال (محکم الدین) پی ڈبلیو ڈی لیبر یونین کا پہلا باضابطہ تعارفی اجلاس الیکشن کے بعد گذشتہ روز منعقد ہوا۔ جس میں بڑی تعداد میں یونین کے ممبران نے شرکت کی۔ اس موقع پر صدر آل ایمپلائز کو آرڈیشن کونسل چترال کے صدر امیر الملک مہمان خصوصی تھے۔ اجلا س سے خطاب کرتے ہوئے صدر شکیل احمد نے چترال میں پی ڈبلیو ڈی کی تاریخ میں پہلی مرتبہ بڑی تعداد میں سن کوٹہ کی آسامیوں پر بھرتی کو یونین کی بہت بڑی کامیابی قرار دیا۔ اور کہا۔ کہ یہ چترال پی ڈبلیو ڈی لیبر یونین کے اتفاق و اتحاد اور نئی کابینہ پر اعتماد کی وجہ سے ممکن ہوا۔ شکیل احمد نے سن کوٹے پر چار افراد کی بھرتی پر منسٹر سی اینڈ ڈبلیو اکبر ایوب، سیکرٹری شہاب خٹک، چیف انجینئر زطارق خان،ایوب خان اور ایکسین سی اینڈ ڈبلیو چترال مقبول اعظم کا شکریہ ادا کیا۔ اور کہا۔ کہ ان ہی اعلی شخصیات اور آفیسران کی مہربانیوں اور بھر پور تعان سے سن کوٹے پر چار امیدواروں کی تقرری ممکن ہوئی۔ جس کیلئے پی ڈبلیو ڈی لیبر کے تمام ممبران منسٹر اکبر ایوب اور دیگر آفیسران کی کامیابی و کامرانی کیلئے دُعا گو ہیں۔ انہوں نے اس توقع کا بھی اظہار کیا۔ کہ آیندہ بھی پی ڈبلیو ڈی لیبر یونین کے مسائل حل کرنے میں صوبائی منسٹر اور متذکرہ آفیسران بھر پور تعان کریں گے۔ مہمان خصوصی امیر الملک نے اپنے خطاب میں یونین کے صدر اور عہدہ داروں کو مبارکباد دی۔ کہ اُن کی کوششوں سے سن کوٹے پر نئے بھرتی ممکن ہوئے۔ انہوں نے کہا۔ کہ یونین اختلافات کا شکار ہوئے بغیر اسی طرح اپنا اتحاد برقرار رکھا ۔ تو آیندہ بھی مسائل حل ہوتے رہیں گے۔ اس لئے یونین کے عہدہ دار باہمی اتفاق و اتحاد پر قائم رکھتے ہوئے اپنی مضبوطی پر بھر پور توجہ دیں۔ اور اپنے متعلقہ آفیسران کو اپنے مسائل کے حوالے سے بار بار آگاہ کرتے رہیں۔ تو کوئی وجہ نہیں کہ مسائل حل نہ ہوں۔ انہوں نے اجلاس میں خاص مہمان کی حیثیت سے اُنہیں مدعو کرنے پر صدر لیبر یونین اور کابینہ کا شکریہ ادا کیا۔ اجلاس سے سنیئر نائب صدر نور حسین خان، نائب صدر حکیم محمد، چیرمین شاکر الدین اور لیگل ایڈوائزر فضل حق نے بھی خطاب کیا۔