چترال (نما یندہ چترال میل) یونین کونسل ایون کے عوام نے نو منتخب وفاقی اور صوبائی حکومت سے پُر زور مطالبہ کیا ہے۔ کہ چترال ایون کالاش ویلیز روڈ کی تعمیر کا کام بلا تاخیر شروع کیا جائے۔ جس کا انوائرنمنٹل اسسمنٹ سمیت دیگر قانونی تقاضے پورے ہو چکے ہیں۔ اور علاقے کے لوگ مذکورہ سڑک کی تعمیر کا شدت سے انتظار کر رہے ہیں۔ کالاش ویلی رمبور، کالاش ویلی بمبوریت، بریر اور ایون کے تمام ناظمین، کونسلز، عمائدین اور سول سوسائٹی کے نمایندگان نے اپنے اخباری بیانات میں اس امر کا اظہار کیا ہے۔ کہ کالاش ویلز سیاحتی مقامات ہیں۔ جہاں پہنچنے کیلئے سیاحوں اور مقامی لوگوں کوخراب سڑک کے باعث شدید مشکلات درپیش ہیں۔ اور ان ہی مشکلات کو پیش نظر رکھ کر سابقہ حکومت نے اس کی تعمیر کیلئے سروے و دیگر قانونی تقاضے سمیت اس کی اپروچ روڈ کیلئے فنڈ بھی ریلیز کئے تھے۔ لیکن حکومت کی تبدیلی کی وجہ سے کام رکا ہوا ہے۔ انہوں نے کہا۔ کہ اس خراب سڑک کی وجہ سے پوری دُنیا کے سیاحوں کے سامنے پاکستان کی بدنامی ہوتی ہے۔ اور سیاحت جیسے فائدہ مند صنعت کو بُی طرح نقصان پہنچ رہا ہے۔ اس لئے اس پر کام شروع کیا جائے۔ انہوں نے کہا۔ کہ نئی حکومت سے لوگ بہت توقعات رکھتے ہیں۔ اور یہ منصوبہ حکومت اور مقامی عوام دونوں کے مفاد میں ہے۔ علاقائی عمائدین نے کہا۔ کہ اب یہ افواہ گشت کر رہی ہے۔ کہ اس منصوبے کو منسوخ کیا جا رہا ہے۔ جو کہ علاقے کے لوگوں کیلئے انتہائی مایوسی اور محرومی کی خبر ہے۔ انہوں نے کہا۔ کہ ہم نومنتخب حکومت سے مثبت تبدیلی کی توقع رکھتے ہیں۔ اور امید ہے۔ کہ نئی حکومت فوری طور پر اس منصوبے پر کام شروع کرے گا۔ بصورت دیگر ایون اور کالاش ویلیز کے عوام سراپا احتجاج ہوں گے۔ عوامی حلقوں نے ممبر قومی اسمبلی مولانا عبدالاکبر چترالی، ایم پی اے مولانا ہدایت الرحمن اور اقلیتی رکن اسمبلی خیبر پختونخوا وزیر زادہ، سے مطالبہ کیا ہے۔ کہ اس حوالے سے چیرمین نیشنل ہائی وے اتھارٹی سے ملاقات کرکے صحیح صورت حال کو وا ضح کریں۔ اور عوامی تشویش سے متعلقہ حکام اور وفاقی حکومت کو آگاہ کریں۔ انہوں نے کہا۔ کہ اس روڈ کے کام میں رکاوٹ کو کسی صورت برداشت نہیں کیا جائے گا۔ اور اس کیلئے احتجاج کی نوعیت بالکل مختلف ہو گی۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے