چترال (نذیرحسین شاہ نذیر) چترال پولیس نے بین الاضلاعی مال مویشی چوروں کے گروہ کو گرفتار کر لیا ہے۔ جو کہ چترال کے کئی علاقوں سے درجنوں مال مویشیوں کو چوری کرنے میں پولیس کو مطلوب تھے۔ چترال کے ڈسٹرکٹ پولیس آفیسر کیپٹن (ر) منصور امان کی ہدایت پر ایس ڈی پی او چترال فاروق جان اور ایس ایچ او تھانہ چترال منیر الملک نے پولیس ٹیم کے ساتھ کاروائی کرتے ہوئے بین الاضلاعی مویشی چور وں کو گرفتار کر لیا پیر کے روز انہوں نے تھانہ چترال میں میڈیا کو بتایا۔ کہ چترال کے مختلف مقامات سے مال مویشیوں کی چوری ایک معمہ بنی ہوئی تھی۔ گذشتہ روز وہ رات کے وقت گرم چشمہ روڈ پر ایک مشکوک کار (غوگئے) کو دیکھا۔ جسے پولیس ٹیم کی طرف سے تلاشی لینے، پوچھ گچھ کرنے اور گرم چشمہ روڈ پر نصب سی سی ٹی وی کیمروں سے لی گئی فوٹیج دیکھنے سے معلوم ہوا۔ کہ کار میں سوار تینوں افراد مال مویشیوں کی چوری میں ملوث ہیں۔ اس مو قع پر گرفتار تین ملزمان زار محمد ولد حضرت عمر ساکن ارندو حال آٹانی ایون، محمد نور ولد دیبار خان بڑاوشٹ ایون اور حضرت حسین ولد روزی خان افغان مہاجر حال مقیم سوئیر دروش نے خود بھی صحافیوں کے سامنے اپنے اوپر لگائے گئے الزامات کا اعتراف کیا۔ کہ گذشتہ چھ مہینوں سے وہ چترال کے مختلف مقامات لٹکوہ، شغور، بونی، موڑکہو، ریشن سے تین بیل اور 77شاخ بکریاں چوری کیں۔ اور بعض کو چترال کے مقام اورغوچ میں ذبح کرکے فروخت کئے۔ جبکہ کئی مال مویشیوں کو تیمرگرہ پہنچاکر میلے میں فروخت کئے۔ انہوں نے کہا۔ کہ ان مال مویشیوں کو راستے میں آنے والے چیک پوسٹوں میں جنگلوں سے گزار کر تیمر گرہ پہنچایا۔ اور فروخت کیا۔ انہوں نے کہا۔ کہ وہ ارندو کے گجر برادری سے تعلق رکھتے ہیں۔ اور حال ایون آٹانی میں مقیم ہیں۔ پولیس نے چور گروہ سے ایک چھری بھی بر آمد کی ہے۔ جو مال مویشیوں کو ذبح کرنے کے علاوہ بطور ہتھیار بھی استعمال ہوتا رہا۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی