(چترال میل رپورٹ)ملک کے دیگر حصوں کی طرح خیبر پختونخوا میں بھی عید میلاد النبیؐ مذہبی عقیدت و احترام اور جوش و خروش سے منائی جائے گی۔اس سلسلے میں ماہ ربیع الاول کے دوران ملکی سطح کیساتھ ساتھ صوبے میں بھی صوبائی دارالحکومت،ڈویژنل اور ضلعی ہیڈ کوارٹرز میں مختلف تقاریب منعقد کی جائیں گی۔تفصیلات کے مطابق اس موقع پر پیغمبر پاکؐ کی زندگی، سیرت اور تعلیمات کو ملک بھر میں فروغ دینے کے پیش نظر عید میلاد النبیؐ کی تقریبات کے سلسلے میں ہر سال 12ربیع الاول کو قومی سیرت کانفرنس کا انعقاد باقاعدگی کے ساتھ وزارت مذہبی امور اور بین المذاہب ہم آہنگی کرتی ہے۔اس سال بھی ماہ ربیع الاول 1439ہجری کے دوران بین الاقوامی سیرت کانفرنس 2دسمبر2017کو اسلام آباد میں منعقد کی جائے گی۔پاکستان اور بیرون ممالک سے معروف مذہبی دانش ور اور سکالرز بھی مذکورہ کانفرنس میں شرکت کریں گے۔کانفرنس میں تقسیم انعامات کی تقریب منعقد کی جائے گی جس میں سیرت،نعت،کتابوں اور مضامین نویس کے قومی مقابلوں میں نمایاں پوزیشنیں حاصل کرنے والوں کو انعامات اور ایوارڈ دئیے جائیں گے۔نبی پاکؐ کی تعلیمات کو فروغ دینے اور انہیں مزید اجاگر کرنے کیلئے وزارت مذہبی اموراور بین المذاہب ہم آہنگی ہر سال کئی سیرت لکھاری مقابلوں کا اہتمام بھی کرتی ہے جن میں قومی،علاقائی اور غیر ملکی زبانوں میں سیرت کی کتابوں کا مقابلہ،نعت کی کتابیں لکھنے کا مقابلہ،خواتین سکالرز کی جانب سے اسلامی کتابوں کے مقابلے،مقالات سیرتؐ اور خصوصی سیرت نمبرز والے رسالے اور میگزینز کے مقابلے شامل ہیں۔ کانفرنس کا تھیم ہے ”اسلامی ریاست میں قومی قیادت (لیڈر شپ)کے لئے رہنما اصول،تعلیمات نبویؐ کی روشنی میں“ خیبر پختونخوا میں اس سلسلے میں صوبائی،ڈویژنل اور ضلعی کمیٹیاں صوبائی،ڈویژنل اور ضلعی ہیڈ کوارٹرز میں سیرت کانفرنسوں کا انعقاد کریں گی۔ جبکہ رسول پاکؐ کی زندگی اور سیرت کے متعلق صوبائی حکومتوں اور تعلیمی اداروں کی جانب سے بھی ایسے ہی مقابلوں کا اہتمام کیاجائے گا۔اس کے علاوہ 12 ربیع الاول کو عام تعطیل ہوگی اور اس سلسلے میں تعلیمی اداروں اور پبلک ہالوں میں موقع کی مناسبت سے تقریبات منعقد کی جائیں گی جبکہ12ربیع الاول کو دن کے آغاز پر وفاقی دارالحکومت میں 31 توپوں اور صوبائی دارالحکومتوں میں 21توپوں کی سلامی دی جائے گی۔اس ضمن میں حکومت کی سادگی مہم کو ملحوظ خاطر رکھتے ہوئے عوامی عمارتوں پر خصوصی سیرت ؐ بینرز آویزاں کرنے کے ساتھ ساتھ چراغاں کیا جائے گا۔اس موقع پر تمام سکولوں،کالجوں،یتیم خانوں، بیوہ اور بے سہارا خواتین کے مراکز،معذور اور اپاہج میں مٹھائیاں تقسیم کی جائیں گی جبکہ جیلوں میں بھی اس قسم کی سرگرمیوں کا انعقاد کیا جائے گا۔اس کے علاوہ سینما گھروں او ر ٹی وی چینلوں میں بھی اپنی معمول کی فلموں اور ڈراموں کی بجائے اسوہ حسنہؐ،اعلیٰ اخلاق و اعلیٰ کردار اور رسول پاکؐ کی تعلیمات پر مبنی پروگرام دکھائیں گے۔اس امر کا اعلان محکمہ اوقاف،حج و مذہبی امور حکومت خیبر پختونخوا کی جانب سے جاری کردہ ایک اعلامیے میں کیا گیا۔
۔۔۔۔۔۔۔۔۔۔۔۔۔۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی