چترال (نما یندہ چترال میل) چترال ٹاؤن سے تعلق رکھنے والے ویلج ناظمین سجاد احمد خان (جغور)، نوید احمد بیگ (شیاقوٹک)، عبدالقادر(دنین)، حیات الرحمن (خورکشاندہ)، سلطان محمد شیر (دنین ٹو) اور دوسروں نے پشاور الیکٹرک سپلائی کمپنی (پیسکو)، ایسڑ آر ایس پی اور ضلعی انتظامیہ کو اگلے جمعہ تک کا ڈیڈ لائن دیتے ہوئے کہا ہے کہ اگر ان کے علاقوں میں گولین گول کے 2میگاواٹ بجلی گھر سے بجلی دینے کاسلسلہ شروع نہ کیا گیا تو ان علاقوں کے عوام سڑکوں پر نکل آکر احتجاج کرنے پر مجبور ہوں گے جس کی تمام ذمہ داری حکومت پر عائد ہوگی۔ منگل کے روز چترال پریس کلب میں ایک پریس کانفرنس سے خطاب کرتے ہوئے انہوں نے کہاکہ چترال کے صرف تین ویلج کونسلوں میں چوبیس گھنٹے تک بجلی فراہم کرکے باقی ویلج کونسلوں کو یکسر محروم رکھنا ان کے ساتھ ذیادتی اور مذاق سے کم نہیں جسے وہ مزید برداشت نہیں کریں گے۔ ان کا کہنا تھا کہ پیسکو اور ایس آر ایس پی اپنی کمزوری اور ادارتی بدانتظامی پر پردہ ڈالنے کے لئے چترال ٹاو ن کی اکثریتی آبادی کو بجلی سے محروم کر رہے ہیں۔ انہوں نے ضلعی انظامیہ سے پرزور مطالبہ کیا کہ طے شدہ شیڈول کے مطابق چترال شہر کو دو حصوں میں تقسیم کردیا جائے تاکہ پوری شہر میں 12گھنٹوں تک بلا تعطل بجلی کی فراہمی ممکن ہوسکے۔ انہوں نے ضلعی انتظامیہ اور پیسکو کی اس دعوے کومضحکہ خیز قرار دیا کہ ان تین ویلج کونسلوں میں ضلعی سیکرٹریٹ اور کچہری اور مارکیٹ قائم ہے جبکہ صورت حال یہ ہے کہ سرکاری دفاتر اور مارک شام 5بجے تک مکمل بند ہوتے ہیں۔ ویلج ناظمین نے کہاکہ عید قربان کے موقع پر شہر میں بجلی کی روزانہ کم از کم 12گھنٹوں تک بلا تعطل اور فل وولٹیج کے ساتھ فراہمی ناگزیر ہے تاکہ غریب لوگ قربانی کے گوشت فریزروں میں محفوظ کرسکیں۔ناظمین نے حکومت کو سخت وارننگ دیتے ہوئے کہاکہ اگر ڈیڈلائن کے احتتام پر مطالبہ نہ مانا گیا تو بجلی سے محروم ٹاؤن کے عوام کے غیض وغضب سے بچنا حکومت اور دونوں اداروں کے لئے مشکل ہوگا۔ اس موقع پر نائب ناظم حسن احمد (ہون) اور شہباز خان (جغور) اور آل پاکستان مسلم لیگ کے رہنما محمد ولی شاہ اور دوسرے بھی موجود تھے
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے