چترال (نما یندہ چترال میل) وزیر اعظم پاکستان میاں محمدنوازشریف 20 جولائی کو ایشیاء کے سب سے بڑے روڈ ٹنل لواری ٹنل پراجیکٹ کا افتتاح کریں گے جس سےNHA۔نے 26 ارب روپے کی لاگت سے کورین کمپنی سامبو کے ذریعے تعمیر کی ہے لواری ٹنل کی لمبایی 8.9 کلومیٹر ہے ٹنل کے لیے فنڈز نواز شریف کی موجودہ حکومت نے فراہم کر دی ہے ذرائع کے مطابق وزیر اعظم بذریعہ ہیلی کاپٹر لواری ٹنل کے دیر سائڈ پر اُتریں گے۔ جہاں وہ لواری ٹنل کا افتتاح کریں گے ۔ذرائع کے مطابق چترال کے دیگرمیگاپراجیکٹس جن میں گیس پلانٹس،این ایچ اے کے زیرانتظام تعمیرہونے والی سڑکیں جن میں چترال چکدرہ روڈ،چترال کالاش ویلیز،چترال گرم چشمہ،چترال شندورروڈزشامل ہیں۔ کو بھی دیر سائڈ پر ہی افتتاح کیا جائے گا ۔ وزیر اعظم نے 2015 کے سیلاب کے دوران اپنے دورۂ چترال کے موقع پر جون 2017 میں لواری ٹنل کے افتتاح کا اعلان کیا تھا۔ تاہم موسمی مسائل کی وجہ سے ایک مہینے کی تاخیر سے لواری ٹنل مکمل ہوئی۔ ذرائع کے مطابق وزیر اعظم 31جولائی کو شندور فیسٹول میں بھی شرکت کریں گے۔ لواری ٹنل موجودہ چترال کا وہ اہم منصوبہ ہے جس پر موجودہ وفاقی حکومت 80فیصد فنڈ فراہم کرکے تکمیل کو ممکن بنایا۔ وزیر اعظم کے مشیر انجینر امیر مقام انتظامات کا جایزہ لینے کے لیے اج بدھ کے روز چترال پینچیں گے
