(چترال میل رپورٹ) سرکاری ملازمین،پنشنرزاورپنشنرزکے لواحقین کے اے جی آفس سے متعلق مسائل کی فی الفورحل اورازالے کیلئے اکاؤنٹنٹ جنرل خیبرپختونخوااور ڈپٹی اکاؤنٹنٹ جنرل خیبرپختونخوانے اپنے موبائل نمبرزبالتریب0306-8368680اور 0349-9282850نے اپنے نمبرزنہ صرف اپنے دفاترکے باہراویزاں کردیئے ہیں بلکہ اکاؤنٹنٹ جنرل خیبرپختونخوا نے مذکورہ نمبروں پرشکایات موصول ہونے کے بعداسکے فی الفورازالے کیلئے بھی ہدایات جاری کردی ہیں۔اکاؤنٹنٹ جنرل خیبرپختونخوانے کہاکہ سرکاری ملازمین،پنشنرزاورپنشنرزکے لواحقین کے مسائل کے حل اورشکایات کے ازالے کیلئے کوئی دقیقہ فروگذاشت نہیں کیاجائیگا۔
اکاؤنٹنٹ جنرل کے ترجمان نے اپنے ایک اخباری بیان میں کہاہے کہ جن لوگوں کومتعلقہ اکاؤنٹس آفس سے شکایات ہوں تو وہ موبائل میسج اورواٹس ایپ یاموبائل کال کے ذریعے اکاؤنٹنٹ جنرل یاڈپٹی اکاؤنٹنٹ جنرل تک اپنی شکایات پہنچادیں تاکہ انکی شکایات کافوری ازالہ کیاجاسکے۔
