پشاور (نمائندہ چترال میل)جمعیت علما ء اسلام نظریا تی کے صوبائی امیر مولانا محمد زبیر البازی اور ضلع پشاور کے امیر مولانا احمد خان نے المرکز الاسلامی پشاور کا دورہ کیا۔جماعت اسلامی خیبر پختونخوا کے جنرل سیکرٹری عبد الواسع سے ملاقا ت کی، ملاقات کافی دیر جاری رہی۔ ملاقات میں ملکی صورتحال، دینی جماعتوں کے درمیان باہمی تعاون پر تبادلہ خیالات ہوا۔اس موقع پرجمعیت اتحاد العلما خیبر پختونخوا کے صدر مولانا عبد الاکبر چترالی اورسابق صوبائی وزیر مذہبی امور حافظ حشمت بھی موجود تھے۔دونوں جماعتوں کے صوبائی رہنماؤں نے اس بات پر اتفاق کیا کہ دینی جماعتوں کے درمیان باہمی تعاون وقت کی اہم ضرورت ہے باہمی فروعی اختلافات کو پس پشت ڈال کر اصولوں پر متحدہ جد و جہد پر زور دیا گیا۔تاکہ پاکستان کو ایک اسلامی، نظریاتی اور فلاحی مملکت بنایا جاسکے۔
