چترال(نمائندہ چترال میل) چترال میں دو مختلف مقامات پر روڈ حادثات میں دو افراد جان بحق جبکہ دو شدید زخمی ہوئے۔حادثے کا پہلا واقعہ لواری پاس میں مٹی خوڑ کے مقام پر پیش آیا جہاں محکمہ لائیو سٹاک چترال کی ڈاٹسن رجسٹریشن نمبر CL-1005ڈرائیور سے بے قابو ہوکر گہرے کھائی میں جا گری جس کے نتیجے میں محکمہ لائیو سٹاک چترال کے ہیڈ کلرک عثمان الدین سکنہ مستجاپاند ہ موقع پر جان بحق جبکہ ڈسٹرکٹ ڈائیریکٹر لائیو سٹاک چترال ڈاکٹر تاج الاکبر اور وٹرنری اسسٹنٹ نیاز احمد سکنہ سنگور شدید زخمی ہوئے جنہیں تحصیل ہیڈ کوارٹر ہسپتال دروش داخل کر دیا گیا ہے۔ دوسرا واقعہ چترال شہر کے اندر نیردیت کے مقام پر پیش آیا جہان ایک تیز رفتار ڈاٹسن نے ایک موٹر سائیکل کو ٹکر ماری جس کے نتیجے میں موٹر سائیکل سوار اخترعلی شاہ سکنہ کجو موقع پر جان بحق ہو گیا۔ چترال پولیس نے گاڑی کے ڈرائیور سعید اللہ ولد ضیاء اللہ سکنہ گُمبد بروز کے خلاف زیر دفعات 279.320.427PPCمقدمہ درج کرکے گرفتار کر لیا ہے۔