چترال ( نمائندہ چترال میل )نو تعینات ڈی۔پی۔او لوئر چترال رفعت اللہ خان(PSP) نے سٹی پولیس اسٹیشن چترال کا معائنہ کیا
اس موقع پر ایس۔ڈی۔پی۔او سرکل چترال سجاد حسین بھی ان کے ہمراہ موجود تھے
ڈی۔پی۔او لوئر چترال رفعت اللہ خان نے اپنے عہدے کا چارچ سنبھالتے ہی مختلف پولیس اسٹیشن اور پولیس چیک پوسٹوں کا دورہ کرکے سیکورٹی انتظامات کا جائزہ لے رہے ہیں۔
سٹی پولیس اسٹیشن چترال کے معائنے کے دوران روزنامچہ, جوانوں کے بیرکس, حوالات، تھانے کے بلڈنگ، صفائی اور سیکورٹی انتظامات کا تفصیلی معائنہ کیا۔
ڈی۔پی۔او نے تھانہ عملے کو سختی سے ہدایت کی کہ وہ سائلین کے ساتھ انتہائی خوش اخلاقی کے ساتھ پیش آئیں اور ان کے مسائل اور شکایت کا فوری تدارک کریں۔تھانے آنے والے خواتین, بچوں اور بزرگ افراد کے مسائل کو ترجیحی بنیادوں پر حل کریں اور اس سلسلے کسی بھی قسم کی شکایت یا غفلت ہرگز برداشت نہیں کی جائے گی۔
