چترال (نمائندہ چترال میل) الخدمت فاونڈیشن لویر چترال کے صدر عبدالحق کو اگلے دو سالوں کے لئے دوبارہ مقرر کیا گیا ہے جس کا باضابطہ نوٹیفیکیشن الخدمت فاونڈیشن خیبر پختونخوا شمالی فضل محمود نے کردیا ہے۔ الخدمت فاونڈیشن کے مقامی عہدیداروں اورکارکنان کے مطابق عبدالحق کو ان کی شاندار خدمات کی بنیاد پر دوبارہ ذمہ داری کے لئے منتخب کیا گیا ہے جس نے ضلعے میں ہیلتھ کے سیکٹر میں سروسز کو نمایان ترقی دی اور سبزی منڈی میں واقع الخدمت ہسپتال میں مختلف سہولیات متعارف کرواکر انہیں توسیع دینے میں دن رات ایک کیا۔ انہوں نے کہاکہ ایجوکیشن سیکٹر اور خودروزگاری اسکیم میں ان کے دور صدارت میں لویر چترال نے کئی سنگ میل عبور کئے۔ یہ بات قابل ذکر ہے کہ عبدالحق ویلج کونسل چمورکھون کے بھی چیرمین ہیں جبکہ اس سے پہلے سیشن میں بھی ویلج ناظم منتخب ہوچکا تھا۔
