چترال ( نمائندہ چترال میل )تھانہ ایون کے حدود میں فریقین کے درمیان تنازعہ خوش اسلوبی سے حل
ڈی۔پی۔او لوئر چترال افتخار شاہ کی خصوصی ہدایات پر عوام کے درمیان معمولی تنازعات کو معتبرات علاقہ کی موجودگی میں باہمی صلح اور اتفاق رائے سے حل کیا جارہا ہے۔
اس سلسلے میں ایس۔ایچ۔او تھانہ ایون SI عطاء الرحمن اور ڈسپیوٹ ریزولیشن کونسل کے ممبران کی کاوشوں سے علاقہ مورڈہ ایون سے تعلق رکھنے والے دو فریقین کے درمیان زیر تعمیر مکان کا تنازعہ باہمی مشاورت سے حل کیا گیا۔
ایس۔ایچ۔او تھانہ ایون اور ڈی۔ار۔سی ممبران کی موجودگی میں دونوں فریقین کے افراد تنازعے کو ہمیشہ کے لئے ختم کرکے ایک دوسرے کے ساتھ بغل گیر ہوگئے۔
