چترال ( نمائندہ چترال میل )لوئر چترال پولیس کی جانب سے شہریوں کو دہلیز تک انصاف کی فراہمی کا مشن۔
ریجنل پولیس آفیسر ملاکنڈ شیر اکبر کے خصوصی احکامات اور ڈی۔پی۔او لوئر چترال افتخار شاہ کی ہدایت پر شہریوں کو دہلیز تک انصاف کی فراہمی کے سلسلے میں تھانہ جات میں کھلی کچہریوں کا انعقاد
ایس ڈی۔پی۔او سرکل بمبوریت حسن اللہ کی سربراہی میں تھانہ رمبور جبکہ ایس۔ڈی۔پی۔او سرکل چترال سجاد حسین کی سربراہی میں تھانہ سٹی چترال میں کھلی کچہری کا انعقاد کیا گیا۔
کھلی کچہری کے دوران شہریوں کے پولیس سے متعلق مسائل و شکایات سن کر افسران نے موقع پر ان کے حل کے لئے متعلقہ ایس۔ایچ۔اوز کو احکامات جاری کردیں۔
کھلی کچہری میں شریک افراد نے اپنے اپنے علاقوں میں دیگر محکموں سے متعلق مسائل پر بھی گفتگو کی جس پر آفسران نے کہا کہ وہ ان مسائل کو متعلقہ محکموں کے سربراہان کے نوٹس میں لاکر ان کے حل لئے اپنی بھرپور کوشش کریں گے۔
ضلع ہذا کے تمام سرکلز میں کھلی کچہریاں منعقد کرکے شہریوں کو ان کے مسائل کے حل کے لیے ان کے گھروں کے قریب ترین فورم مہیا کیا جائے گا۔



