چترال ( نمائندہ چترال میل )ریجنل پولیس آفیسر ملاکنڈ کا دورہ لوئر چترال
اس موقع پر ڈی۔آئی۔جی ویلفئیر کاشف مشتاق کانجو اور اے۔آئی۔جی ویلفئیر حمید اللہ بھی ان کے ہمراہ موجود تھے۔
ریجنل پولیس آفیسر ملاکنڈ عرفان اللہ خان، ڈی۔آئی۔جی ویلفیر کاشف مشتاق کانجو اور اے آئی جی ویلفئیر حمید اللہ کا پولیس لائن لوئر چترال پہنچنے پر پرتپاک استقبال
ڈسٹرکٹ پولیس آفیسر لوئر چترال افتخار شاہ,ایس۔پی۔انوسٹیگیشن عتیق الرحمن, ڈی۔ایس۔پی۔ہیڈکوارٹر تمیزالدین اور دیگر پولیس افسران نے معزز مہمانان کا استقبال کیا۔
لوئر چترال پولیس کے چاق و چوبند دستے نے آر۔پی۔او ملاکنڈ اور ڈی۔آئی جی ویلفئیر کو سلامی پیش کی۔
آر۔پی۔او ملاکنڈ، ڈی۔آئی۔جی ویلفئیر اور اے۔آئی۔جی ویلفئیر نے پولیس لائن لوئر چترال میں یادگار شہداء پر حاضری دی, پھول چڑھائے اور شہداء کے بلند درجات کے لئے فاتحہ خوانی کی۔
ریجنل پولیس آفیسر ملاکنڈ عرفان اللہ خان نے اپنے دورہ لوئر چترال کے دوران خدمت مرکز زرگراندہ میں پولیس دربار کا انعقاد کیا گیا۔
دربار میں لوئر اور اپر چترال پولیس کے افسران و جوانان نے شرکت کی اور اپنے مسائل کے متعلق ار۔پی۔او ملاکنڈ کو آگاہ کیا۔
ار۔پی۔او ملاکنڈ نے تمام مسائل کیحل کے متعلق موقع پر احکامات جاری کئے اور تمام افسران کو ڈسپلن،سوشل میڈیا کے استعمال اور موجودہ سکیورٹی حالات کے پیش نظر ضروری ہدایات بھی دیں۔
خدمت مرکز زرگراندہ کے دورے کے دوران ار۔پی۔او ملاکنڈ نے پولیس ڈرائیونگ سکول آفس کا باقاعدہ افتتاح کیا۔
اس کے علاوہ خدمت مرکز زرگراندہ میں موجود کمانڈ اینڈ کنٹرول سنٹر اور دیگر شعبہ جات کا بھی معائنہ کیا اور عوام کو دی جانے والی سہولیات پر اطمینان کا اظہار کیا۔
مہمان افسران نے خدمت مرکز زرگراندہ کے صحن میں پودے بھی لگائے۔
