چترال (نما یندہ چترال میل) ڈی پی او چترال اکرام اللہ خان نے کہا ہے کہ چترال میں مثالی امن و امان کو قائم ودائم رکھنے، معاشرتی ہم آہنگی کو پروموٹ کرنے اور سماجی برائیوں کے خلاف جہاد میں صحافیوں کا کردار قابل تعریف ہے اور موجودہ حالات کے تناظر میں بھی وہ اپنی روایتی کی کردار احسن طریقے سے نبھا رہے ہیں۔ جمعہ کے دن چترال پریس کلب کے صدر ظہیر الدین کی قیادت میں سینئر صحافیوں کے وفد سے گفتگو کرتے ہوئے انہوں نے کہا کہ پولیس فورس کے دائرہ کار سے متعلق تمام عوامی مسائل کو انتہائی باریک بینی اور خلوص نیت سے حل کئے جارہے ہیں تاکہ عوام کی جان و مال اور آبرو کی سوفیصد تحفظ کو یقینی بنایا جاسکے۔ انہوں نے حال ہی میں متعارف کردہ اصلاحات کا تفصیل سے ذکر کرتے ہوئے کہا کہ وہ اپنی پوری صلاحیت اور قوت کے ساتھ ضلعی پولیس کے سربراہ کی حیثیت سے فرائض نبھانے کی جدوجہد کررہے ہیں جس میں کامیابی کے لئے وہ صحافی برادری سمیت معاشرے کے تمام طبقوں کی تعاون اور رہنمائی ناگزیر ہے۔ انہوں نے اس عزم کا اظہار کیا کہ چترال کو منشیات سے پاک علاقہ بنانے میں کوئی کسر نہیں چھوڑے گا اور ٹورزم کی ترقی بھی ان کے ترجیحات میں شامل ہے۔ اس موقع پر وفد کے ارکان نے عوامی بھلائی, امن و امان، جرائم کی بیخ کنی کے حوالے سے مختلف تجاویز پیش کئے۔ ایس پی انوسٹی گیشن محمد ستار خان اور ایس ڈی پی او احمد عیسیٰ بھی موجود تھے۔ وفد کے ارکان نے کبل سوات کے دھماکے میں شہید ہونے والے چترال پولیس کو دو جوانوں خلیل الرحمٰن اور فضل رازق کی شہادت پر ڈی پی او سے تعزیت کی اور شہداء کی ایصال ثواب کے لئے فاتحہ خوانی کی۔
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے