چترال (نما یندہ چترال میل) ڈی۔پی۔او لوئر چترال اکرام اللہ کی سربراہی میں علاقہ دروش میں کھلی کچہری کا انعقاد کیا گیا۔اس موقع پر ایس۔ڈی۔پی۔او سرکل دروش اقبال کریم بھی ان کے ہمراہ تھے۔
کھلی کچہری میں مشیران علاقہ, علمائے کرام, نوجوان اور مختلف مکاتب فکر سے تعلق رکھنے والے افراد می بڑی تعداد نے شرکت کی۔ علاقہ مشیران اور معززین نے ڈی۔پی۔او کو دروش آمد پر خوش آمدید کہا اور علاقے کے مسائل سے ڈی۔پی۔او کو آگاہ کیا۔ ڈی۔پی۔او لوئر چترال اکرام اللہ نے کھلی کچہری میں عوام سے اپنے خطاب میں کہا کہ چترال ایک پرامن علاقہ ہے یہاں کے لوگ مہمان نواز اور امن پسند ہے جس کی وجہ سے یہاں دیگر علاقوں کی نسبت جرائم نہ ہونے کے برابر ہے۔ عوام کی سہولت کے خاطر ایس۔ڈی۔پی۔او آفس دروش میں ایک ہفتے کے اندر پولیس ویریفکیشین اور ڈرائیونگ لائسنس کا اجراء شروع کیاجائے گا۔عوامی تنازعات کے حل میں ڈسپیوٹ ریزیولیشین کونسل کا کردار انتہائی اہم ہے اس سلسلے میں علاقہ دروش میں ڈی۔ار۔سی کو مزید فعال بنایا جائے گا۔عوام معمولی تنازعات کو مشیران علاقہ کی موجودگی میں باہمی صلح اور اتفاق رائے سے حل کریں۔ عوام اپنے علاقے میں مشکوک افراد پر کڑی نظر رکھیں اور کرایہ داروں کی رجسٹریشن میں پولیس کے ساتھ مکمل تعاون کریں تاکہ علاقے میں امن وامان کو برقرار رکھا جائے۔ڈی۔پی۔او نے سرکل دروش کے ایس ایچ۔اوز اور ٹریفک انچارچ کو خصوصی ہدایت کی کہ ون ویلنگ کرنے والے اوباش لڑکوں کے خلاف سخت کاروائی کریں تاکہ دوسرے نوجوان ان کاموں سے باز رہے اور ٹریفک حادثات سے بچا جاسکے۔ ڈی۔پی۔او نے اپنے خطاب میں تمام والدین سے اپیل کہ وہ اپنے بچوں کی بہترین تربیت کریں اور ان کے روزمرہ سرگرمیوں کی نگرانی کریں۔
اسٹریٹ کرائمز کی روک تھام کے لئے لوئر چترال میں ابابیل سکواڈ کا جلد آغاز کیا جائے گا اور کاروباری حضرات سے گزارش ہے کہ وہ اپنے دوکانوں میں نصب شدہ سی۔سی۔ٹی۔وی کیمروں کو پولیس کمانڈ اینڈ کنٹرول سے لنک کریں تاکہ بازار کی سیکورٹی کو مزید بہتر بنایا جاسکیں۔علاقے میں منشیات فروشوں کے خلاف کارروائیوں میں پولیس کا ساتھ دیں اور عادی منشیات فروشوں کو معزز عدالت سے سخت سے سخت سزاء دلوانے میں اپنا کردار ادا کریں۔ڈی۔پی۔او نے آخر میں کہا کہ رمضان المبارک رحمتوں اور برکتوں کا مہینہ ہے اس دوران ہمیں صبر اور تحمل کا مظاہرہ کرنا چاہیے۔ عوام اپنے درمیان محبت اور بھائی چارے کو فروغ دیں۔ لڑائی اور جھگڑوں سے اجتناب کریں۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما