چترال (نما یندہ چترال میل) کمشنر ملاکنڈ ڈویژن سید ظہیر الاسلام شاہ نے کہا ہے کہ سرکاری محکموں کے افسران عوام کے خادم بن کر کام کریں۔ اس سلسلے میں کسی قسم کی کوتاہی برداشت نہیں کی جائیگی۔ عوام کے مسائل ان کے گھر کے دہلیز پر حل کرنا ہماری اولین ترجیح ہیں۔ ان خیالات کا اظہار انہوں نے کلاشہ دور بمبوریت چترال میں منعقدہ کھلی کچہری کے موقع پر خطاب کرتے ہوئے کیا۔ کمشنر ملاکنڈ ڈویژن سید ظہیر االاسلام شاہ نے ڈپٹی کمشنر لوئر چترال محمد انور الحق،اسسٹنٹ کمشنر لوئر چترال ثقلین سلیم اور ضلع کے تمام محکمہ جات کے افسران کے ساتھ کلاشہ دور بمبوریت چترال میں کھلی کچہری کا اہتمام کیا۔ جس میں اہل علاقہ نے اپنے مسائل ضلع کے مجاز افسران کے سامنے رکھے۔ جنہوں نیکھلی کچہری میں مسائل سنے اور ان کے حل کی یقین دہا نی کرائی۔
