دھڑکنوں کی زبان۔۔۔۔۔محمد جاوید حیات ۔۔۔۔۔محبت کا سمندر
ماں کسی بھی انسان کے لیے ایک سمندر ہے محبت کا ایک دریا۔۔ پیار کا ساگر۔ماں کی ممتا ایک انمول تحفہ ایک انعام اللہ کی طرف سے۔۔خوش قسمت اولاد ماں کے سائے سے تا دیر محروم نہیں ہوتی جب ہوتی ہے تو محروم ازلی ہے خواہ اس کی کتنی زیادہ عمر کیوں نہ ہو کھوار ادب میں مشہور ہے کہ بچپن میں ماں سے محرومی قدرے بہتر ہے بڑی عمر سے۔۔بڑی عمر میں بچہ بہت بے سہارا لگتا ہے اورغضب کا اکیلا پن محسوس کرتا ہے۔۔بشیر حسین آزاد لالہ ایک لحاظ سے بہت خوش قسمت ہیں کہ ان کی والدین تا دیر ان کے ساتھ رہے انہوں نے ٹوٹ کر ان کی خدمت کی تابعدار اولاد ہونے کا حق ادا کیا۔ان کے والد محترم ان کی دکان میں آکر بیٹھتے اور ان کے کاروبار کی نگرانی کرتے ہم نے بشیر لالہ کو ان کے سامنے جھکتے دیکھا۔قران نے کہا کہ اپنی رحمت کے پر ان کے سامنے بچھاوں بشیر لالہ اس آیت کی عملی تفسیر تھے۔۔اب کہ ان کی والدہ ماجدہ کا انتقال ہوا تو ایسے تابعدار اولاد کے لیے یہ بڑا سانحہ ہے یہ درد وہ لوگ محسوس کریں گے جو اپنے والدین سے محروم ہیں۔بشیر لالہ ایک ہمہ جہت شخصیت رکھتے ہیں۔معروف صحافی ہیں،سماجی کارکن ہیں اچھے کاروباری ہیں لوگوں کی خاموش مددگار ہیں۔ان کی سب سرگرمیوں کی منزل ان کے والدین تھے وہ اچھے والدین کی شناخت تھے اب بھی ان کی راہوں پہ چلیں گے لیکن اب بشیر لالہ کسی کا انتظار کریں گے۔۔ بیتابی سے اس کا انتظار کرنے والی کوئی نہ ہوگی۔بشیر لالہ اب ایک مدھم چاند ہے جس کی چاندنی ادھی ہے۔بشیر لالہ اب ایک اداس صبح ہیں جس میں شادمانی کم ہے۔بشیر لالہ ایک افسردہ شام ہے جس پر رات خاموشی سے اُترتی ہے۔بشیر لالہ اب خشک ہوتے چشمہ ہے جس پر سایہ کرنے والا گھنا درخت نہیں۔بشیر لالہ اب ایک گونگے بلبل ہیں جنہیں اپنی آواز سے نفرت سی ہو۔دنیا کی خوبصورتیاں رنگینیاں اور لذتیں جس ہستی سے وابستہ تھیں وہ اب نہیں۔۔اب بشیر لالہ عمر کے سانچے میں وقت بھرے گا۔اپنی اولاد کے لیے زندہ رہے گا۔پھول اب بھی کھلیں گے۔تتلیاں اب بھی آئیں گی۔خزان بہار اپنی باری پہ آئیں گی لوگ ان ایام کے اُلٹ پھیر کو زندگی کا نام دیں گے لیکن ایک خلش ایک کمی جو لالہ کو تڑپائے گی وہ ماں جی کی یاد ہوگی۔اب لالہ محبت کے سمندر میں غوطہ نہیں لگا سکتا۔یہ زندگی قید بے مصرف لگے گی۔۔۔ اللہ لالہ کو متبادل خوشیاں عطا کرے….
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے