چترال(شہر یار بیگ)آل ایمپلائزگرینڈ الائنس چترال لوئر کے نمائندوں نے وزیراعلیٰ خیبر پختونخواہ محمودخان کا ہوم فائر ووڈ الاونس بڑھانے کے اعلان پر ان کا شکریہ ادا کیاہے بدھ کے روز چترال پریس کلب میں صدر اپیکا امیر الملک نے صدراے ٹی اے نثار احمد،صدر اپٹا ضیاالرحمن،صدرپیرامیڈکس ڈی ایچ کیو وقار احمد،صدر پیرامیڈکس ڈی ایچ اوجمال الدین،صدر وحدت اساتذہ آیت اللہ تحصیل چترال،صدر ایس ایس ٹی ٹیچرز قاری محمد یوسف،صدر کلاس فور ڈی ایچ کیو محمد الیاس،صدر کلاس فور ایجوکیشن محمد قاسم،صدر پی ٹی ایف محمد موسیٰ اور صدر اے سی ٹی اے عبداللہ کی معیت میں ایک پریس کانفرنس سے خطاب کرتے ہوئے اُنہوں نے کہا کہ وزیراعلیٰ محمود خان نے چترال کے سرکاری ملازمین کے لئے ہوم فائر ووڈ الاونس کو 45روپے فی من سے بڑھا کر100روپے فی من کرنے کا اعلان کرکے اُن کا دیرنہ مطالبہ پورا کیا جس سے سرکاری ملازمین کے مشکلات میں کمی ہوگی۔اُنہوں نے پی ٹی آئی کے ضلعی قیادت کے ساتھ خصوصی طورپر معاون خصوصی برائے اقلیتی امور وزیرزادہ کا بھی شکریہ اد کیا اور کہا کہ اس سلسلے میں وہ ہمارے ساتھ رابطے میں رہے اور اسکی زاتی دلچسپی کی وجہ سے یہ ممکن ہوا۔
