پشاور (نما یندہ چترال میل) صوبائی وزیر تعلیم شہرام خان ترکئی کی زیر صدارت بورڈ سربراہان اجلاس میں فیصلہ کیا گیا کہ میٹرک اور انٹرمیڈیٹ کے خصوصی امتحانات پورے صوبے کے تمام اضلاع میں میں 25 نومبر سے منعقد کیے جائیں گے۔ خصوصی امتحانات کے انعقاد کے حوالے سے وزیر تعلیم شہر خان ترکئی نے کہا کہ جن طلباء و طالبات کے نمبرات کم ہیں ان کے بہتر مفاد میں یہ فیصلہ کیا گیاہے تاکہ وہ اپنے نمبرز بڑھا کر بہترین سکولوں اور کالجوں میں داخلہ لے سکیں۔ یہ فیصلہ صوبائی وزیر تعلیم شہرام خان ترکئی کے زیر حصوصی امتحانات کے حوالے سے منعقدہ اجلاس میں ہوا۔ سیکرٹری ایجوکیشن یحییٰ احونزادہ، چیئرمین کوہاٹ بورڈ شوکت حیات اور محکمہ تعلیم کے دیگر حکام نے اجلاس میں شرکت کی۔
وزیر تعلیم شہرام خان ترکئی نے صوبے کے تمام تعلیمی بورڈ سربراہان کو امتحانات کے انعقاد کیلئے تمام تر انتظامات جلد از جلد مکمل کرنے کی ہدایت کی انہوں نے کہا کہ دونوں امتحانات کم از کم وقت میں منعقد کرکے جلد ازجلد نتائج جاری کریں۔ انہوں نے بورڈ سربراہان کو ہدایت کی کہ طلباء و طالبات کے لئے داخلوں اورپرچوں کا شیڈول جلد ازجلد جاری کریں۔
