چترال (نما یندہ چترال میل) وزیر اعلی خیبر پختونخواہ محمود خان اپنے دورہ چترال کے موقع پر چترال میں خطاب کرتیہوئے کہا ہے۔ کہ سیاسی مخالفین موجودہ حکومت کی ناکامی کی بات کر رہے ہیں۔ جبکہ اس ملک کو دو سیاسی پاٹیوں باری باری 70سالوں تک لوٹا اور اسے کوئی نظام نہ دے سکے۔ ایسے میں ملک پر سخت حالات تو آنے تھے۔ اس کیباوجود ہم عوام کی بہبود کیلئے وہ کام کر رہیہیں۔ جو کسی اور کے بس کی بات نہیں ہے۔ ان نالائقوں نے گھر انگلینڈ میں بنائے مگر حکومت پاکستان پر کی۔ انہوں نے کہا۔ کہ عوام ان کی کرپشن کا اندازہ اس بات سے لگا سکتیہیں۔ کہ ہم نے 17 کروڑ روپے پر ایک کلو میٹر موٹر وے بنائی۔ جبکہ سابق چوروں نے ایک کلومیٹر پر 37 کروڑ روپے خرچ کئے۔ انہوں نے کہا۔ کہ قوموں پر سخت حالات آتیہیں۔ اور ہم آپ کی مشکلات جانتے ہیں۔ بہت جلد حالات بہترہوں گے۔ ہم ن عوام کی سہولت کی خاطر فوڈ سکیورٹی پالیسی بنا رہے ہیں۔ بنجر آراضی قابل کاشت بنانیکیلئے آبپاشی کا نظام کو بہتر بنا رہے ہیں۔صحت کارڈ، کسان کارڈ متعارف کر چکیہیں۔ اسی طرح ایجوکیشن کارڈ، فوڈ سکیورٹی کارڈ کا اجرا کر رہے ہیں۔ جس سے غریبوں کو سہولت ملے گی۔ انہوں نیکہا۔ کہ میں کوئی خان، ملک یا جاگیردار نہیں ہوں۔ مجھے غریبوں کی مشکلات کا بخوبی اندازہ ہے۔ انہو ں نے کہا۔ کہ میری سابقہ حکومت کے دور سے چترال کے ساتھ گہری وابستگی ہے۔ اور میں یہاں کے مسائل کو جانتا ہوں۔ اس لئیمیں نیدل کھول کر چترال کے منصوبوں کیلئے اعلان کا فیصلہ کیا ہے۔ بعض لوگ میرے اعلانات پر کہتے ہیں۔کہ وزیر اعلی اربوں کا جو اعلان کرتے ہیں۔ یہ فنڈ کہاں سے لے آئیں گے۔ میں وہ چیف منسٹرہوں۔ کہ جو اعلان کرتا ہوں۔ اس کیلئے فنڈ مہیا کرتا ہوں۔ زبانی جمع خرچ نہیں کرتا۔ انہوں نے کہا۔ کہ چترال مستقبل میں کاروباری حب بنے گا۔ اس کے وسطی ایشیا سے لنک ہونے کے بہت آسان راستے ہیں۔ وزیر اعلی نے چترال اکنامک زون کو صوبے کا بڑا منصوبہ قرار دیا۔ اس موقع پر وزیر اعلی نے کئی منصوبوں کا اعلان کیا۔ جن میں سپورٹس کمپلیکس، دروش گرم چشمہ کالجز چترال چلڈرن ہسپتال، نہر غوچھار کوہ، گرم چشمہ روڈ، چترال شندور روڈ، دروش تحصیل سٹیڈیم، میڈیاکالونی، دروش بائی پاس روڈ، آرندو روڈ شامل ہیں۔ انہوں سٹلمنٹ ملازمین کو مستقل کرنے اور ملازمیں کے فائر ووڈ الاونس 100 روپے فی من کرنے کا بھی اعلان کیا۔وزیر اعلی نے ملاکنڈ ڈویژن کو دو ڈویژن بنانے کا بھی اعلان کیا۔ وزیر اعلی نے اس موقع پر متعدد منصوبوں کا بھی افتتاح کیا۔جن میں کلکٹک چترال روڈ 290 ملین، دنین بائی پاس روڈ 498 ملین، کالاش ویلی روڈ 46کلومیٹر 2۔4 بلین، ایون کالاش ویلی پل 82 ملین، ہون روڈ 30 ملین، بیوٹفیکیشن چترال 280ملین، کریم آباد روڈ 100 ملین، ریسکیو 1122 بلاک 64 ملین، بی ایس بلاک ڈگری کالج 89 ملین، ریوینیو ریکارڈ روم اور اکنامک زون شامل ہیں۔ قبل ازین وزیراعلی جب جلسہ گاہ پہنچے۔ تو ان کو چوغے اور ٹوپی پہنائے گئے۔ وزیراعلی کے ہمراہ ایم پی اے فضل حکیم خان معاون خصوصی وزیر زادہ سنیٹر فلک ناز و دیگر مہمان موجود تھے۔ وزیر اعلی کو پی ٹی آئی کے رہنما اسرار صبور نے سپاسنامہ پیش کیا۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ