چترال (نمائندہ چترال میل) اہالیان کیسو نے ملکی تاریخ میں پہلی مرتبہ کیسو گاؤں کے لئے 12کروڑ40لاکھ روپے کی لاگت سے ابنوشی کا منصوبہ منظور کرکے اسے اے ڈی پی میں شامل کرنے پر وزیر اعلیٰ خیبر پختونخوا کے معاون خصوصی وزیر زادہ سمیت پی ٹی آئی کی قیادت کا شکریہ ادا کرتے ہوئے کہا ہے کہ اس وقت کیسو کے 800سے ذیادہ آبادی گدلے پانی پینے پر مجبور ہیں اور وہ بھی بہت ہی کم مقدار میں دستیاب ہے جبکہ اس پراجیکٹ سے پینے کی صاف پانی کا مسئلہ ہمیشہ کے لئے ختم کرکے پی ٹی آئی حکومت نے گاؤں کے عوام کا دل جیت لیا ہے۔ جمعرات کے روز پی ٹی آئی رہنما سرتاج احمد خان کی معیت میں چترال پریس کلب میں ایک پریس کانفرنس سے خطاب کرتے ہوئے کیسو گاؤں کے عمائیدین الحاج شمشیر دستگیر، نثار دستگیر، قاضی عبدالواسع، الحاج احمد الدین، فضل الہٰہی، رحمت ولی شاہ، رحم ت ایوب شاہ، سیدالرحمن، ذولفقاراور جعفر صدیق نے کہاکہ دروش ٹاؤن کا نواحی علاقہ کیسو پینے اور ابپاشی کی پانی کی قلت کے لحاظ سے چترال میں سب سے متاثر گاؤں ہے اور اس مسئلے پر قیام پاکستان کے بعد اب پہلی مرتبہ پی ٹی آئی حکومت نے توجہ دے کر اسے حل بھی کردیا۔ انہوں نے کہاکہ 2018ء کے انتخابات کے نتیجے میں پی ٹی آئی کی طرف سے اقلیتی نشست پر ایم پی اے نامزد ہونے اور بعد میں صوبائی کابینہ میں شامل ہونے کے بعد وزیر زادہ نے عمران خان کی وژن اور مشن کے مطابق کیسو گاؤں کے لئے ابنوشی کا منصوبہ منظور کروانے کے لئے انتھک محنت کی اور ان کی کوششوں سے اسے موجودہ مالی سال کی اے ڈی پی میں شامل کیا گیا ہے جس کے لئے وزیر اعلیٰ محمود خان خصوصی شکرئیے کے مستحق ہیں۔ اہالیان کیسو نے اس منصوبے کی منظوری کے لئے جدوجہد میں ساتھ دینے پر سرتاج احمد خان کے علاوہ پی ٹی آئی دروش کی قیادت خصوصاً حاجی گل نواز اور ثمین کا بھی شکریہ ادا کیا ہے۔ انہوں نے حکومت سے پرزورمطالبہ کیا کہ اس منصوبے کو ٹینڈر کرکے اسے جلد پایہ تکمیل تک پہنچایا جائے۔ انہوں نے علاقے میں 4000ایکڑقیمتی زرعی زمین کو سیراب کرنے کے لئے سولر ایریگیشن اسکیم کی منظوری کا بھی مطالبہ کیا تاکہ علاقے میں خوشحالی کادوردورہ ہوسکے۔ انہوں نے اس امید کا اظہار کیاکہ اہالیاں کیسو کا یہ خواب بھی پی ٹی آئی کے دور حکومت میں شرمندہ تعبیر ہوگا۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے