چترال (نما یندہ چترال میل) پاکستان میں برطانوی ہائی کمشنر Christian Turnerاور کینڈین ہائی کمشنر Wendy Gilmourنے اپنے اپنے سفارت خانہ کے سینئر اسٹاف کے ہمراہ چترال کا دو روزہ دورہ کیا اور چترال ٹاؤن اور گرم چشمہ میں آغا خان ڈیویلپمنٹ نیٹ ورک کے زیر اہتمام مختلف پراجیکٹ سائٹوں کا دورہ کیا جن کے لئے مالی معاونت برطانیہ اور کینڈا نے الگ الگ کئے تھے۔ آغا خان فاونڈیشن پاکستان کے چیف ایگزیکٹیو افیسر اختر اقبال بھی ان کے ہمراہ تھے۔ ڈی سی چترال لویر نوید احمد نے وفد کے ارکان کے اعزازمیں عشائیہ دیا جس میں معززین شہر اور سول سوسائٹی کے نمائندے بھی شریک ہوئے۔ اس موقع پر ڈی سی نے کہاکہ ہائی کمشنروں کا دورہ چترال برطانیہ کے شاہی جوڑے کے دورہ چترال کے ایک سال مکمل ہونے کے بعد ہورہا ہے جس میں وہ پاکستانی عوام کے لئے بالعموم اور چترالی عوام کے لئے بالخصوص خیر سگالی کا پیغام لائے ہیں جوکہ اس علاقے کی ترقی میں حصہ لینے کی عزم کا مظہر ہے۔ چترال کے عوام کی طرف سے چترال چیمبر آف کامرس اینڈ انڈسٹری نے برطانوی شاہی جوڑے کے لئے تخائف ارسال کردیا جنہیں سرتاج احمد خان نے برطانوی ہائی کمشنر کے حوالے کیا۔ اس موقع پر اپنی اردو زبان میں تقریر میں برطانوی ہائی کمشنر نے چترال کی قدرتی حسن اور اس کے لوگوں کی مہمان نوازی اور یہاں پر ٹورزم کی پوٹنشل کا خصوصی ذکر کیا اور اس علاقے میں بار بار آنے کی خواہش کا اظہار کیا۔ مہمانوں نے چترال کے مقامی فنکاروں کی طرف سے پیش کی جانے والی ثقافتی شو میں گہری دلچسپی کا مظاہرہ کیا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما