اپر چترال ( نمائندہ چترال میل )ڈپٹی کمشنر اپر چترال جناب شاہ سعود کے ہدایت پر معظم خان ایڈیشنل اسسٹنٹ کمشنر مستوج بہمراہ ڈسٹرکٹ فوڈ کنٹرولر اپر چترال آج بونی اور گردونواح کے مختلف بازاروں میں گرانفروشوں کے خلاف کریک ڈاؤن کیا۔ انہوں نے مختلف دکانوں میں رائج نرخوں کو ضلعی انتظامیہ کی طرف سے جاری کردہ نرخنامے کیساتھ موازنہ کیا اور موقع پر متعدد گرانفروشوں کے خلاف قانونی کارروائی عمل میں لائی گئی۔ علاوہ ازیں متعدد اشیاء خوردانی کی معیار اور ایکسپائری تاریخ کو بھی چیک کیا۔ انہوں نے دکانداروں کو خبردار کیا کہ ضلعی انتظامیہ سرکاری نرخنامے کو ہر صورت رائج کرے گا اور کسی کو بھی غریب عوام کو لوٹنیکی اجازت نہیں دی جائے گی۔ عوامی حلقوں کی جانب سے انتظامیہ کے اس اقدام کو سراہا گیا۔
