چترال (نمائندہ چترال میل) ضلعی زکواۃ کمیٹی چترال کے چیر مین محمد قاسم کو پشاور سے آنے پر پی ٹی آئی کے سینکڑوں کارکنان نے لواری کے مقام پر پرجوش استقبال کیا اور انہیں جلوس میں چترال پہنچایا گیا جبکہ راستے میں مختلف مقامات پر بھی ان کا پرتپاک استقبال ہوا اور انہیں پھولوں کے پہنائے اور ان پر پھولوں کی پتیاں نچھاور کی۔ چترال شہر پہنچنے کے بعد سب سے پہلے انہوں نے چترال پریس کلب کا دورہ کیا اور صحافیوں سے گفتگو کی۔ پی ٹی آئی ضلع سوات کے سینئر نائب صدر خواجہ محمد قاسم اور چترال کے مقامی پارٹی رہنما ان کے ساتھ موجود تھے۔ انہوں نے اپنی گفتگو میں اس عزم کا اظہار کیا کہ وہ اپنے ٹرم کے دوران پانچ ہزار افراد کو اپنے پاؤں پرکھڑے ہونے کے قابل بناسکیں گے تاکہ وہ زندگی بھر کسی کے محتاج نہ رہیں۔ انہوں نے کہاکہ وزیر اعظم عمران خان کی وژن کے مطابق ملک میں ریاست مدینہ کے طرز پر حکومت قائم کرکے غربت اور محتاجی کو خاتمہ کرنے کی کوششیں جاری ہیں اور بحیثیت ضلعی زکواۃ کمیٹی کے چیرمین اپنی تمام تر توانائیاں اور صلاحیتیں بروئے کار لے آئیں گے۔ انہوں نے اس امید کا اظہارکیاکہ وہ عمران خان وژن کے مطابق چترال کے غریب عوام کی خدمت کرنے میں کامیاب ہوں گے۔ محمد قاسم نے کہاکہ زکواۃ فنڈ ز بہت ہی محدود ہیں جس کے لئے وہ مختلف این جی اوز اور خیراتی اداروں کا سہارا لے کر غریبوں کو پیکج دے دیں گے اور خود روزگاری کے مختلف منصوبے شروع کریں گے۔ انہو ں نے چیر مین ضلعی زکواۃ کمیٹی چترال کی حیثیت سے اپنے عہدے کا چارج بھی لیا۔
تازہ ترین
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م