چترال (نمائندہ چترال میل) اس سال جولائی میں گلیشیر کے پھٹ جانے سے آنے والی سیلاب کی زد میں آنے والی وادی گولین کے پانچ مختلف دیہات کو بجلی کی بحالی شروع ہوگئی جس پر سرحد رورل سپورٹ پروگرام (ایس آر ایس پی) نے چالیس لاکھ روپے خرچ کی اور 5کلومیٹر پر ٹرانسمیشن لائن بچھا نے، 3ٹرانسفارمر اور 58عدد کھمبے لگانے کا کام مکمل کیا۔ ایک خصوصی تقریب میں ڈپٹی کمشنر لویر چترال نوید احمد نے بجلی کی بحالی کا افتتاح کیا جس میں ادارے کے چیف ایگزیکٹیو افیسر شہزادہ مسعود الملک بھی موجود تھے۔ اس موقع پر اپنے خطاب میں شہزاہ مسعود الملک نے کہاکہ 2016ء میں ایس آر ایس پی نے گولین میں دو میگاواٹ پیدواری صلاحیت کا ہائیڈرو پاؤر اسٹیشن تعمیر کیا تھا جس سے چترال شہرکو پیسکو کے ذریعے بجلی سپلائی ہوتی تھی جبکہ اس بجلی کی قیمت پیسکو اور پیڈو کے ذمے واجب الادا ہیں اور یہ کیس حکومت کے ساتھ اٹھایا گیا ہے۔ انہوں نے کہاکہ گولین کے دو میگاواٹ بجلی گھر سے زائد بجلی کو کمرشل یونٹس کو دیا جائے گا جس سے سوشل سیکٹر کی ترقی کا باعث ہوگا۔ چیف ایگزیکٹیو افیسر نے ادارے کے ساتھ تعاون کرنے پر صوبائی حکومت کا شکریہ اداکرتے ہوئے کہاکہ اس کے تعاون سے جنوبی وزیر ستان سے لے کر چترال تک ترقیاتی کام شرو ع کرنے کے قابل ہوئے اور اس ادارے کی سرگرمیاں حکومت کے لئے ممد ومعاون ثابت ہوں گے۔ ڈپٹی کمشنر نوید احمد نے ایس آر ایس پی کے کام کو سراہتے ہوئے کہاکہ جولائی میں سیلاب کے بعد اس ادارے نے جانفشانی سے کام کرتے ہوئے اس علاقے کی بجلی بحال کردی جس کے 250سے ذیادہ گھرانے مستفید ہوں گے۔ ایس آر ایس پی کے ڈسٹرکٹ پروگرام منیجر طارق احمد بھی اس موقع پر موجود تھے۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا