چترال (نما یندہ چترال میل)عوامی نیشنل پارٹی ضلع چترال کے صدرالحاج عیدالحسین،ضلعی رہنماشیرآغا،ایم آئی خان ایڈوکیٹ،سابق صدرسیدمظفرحسین جان، اور جے یو ائی کے ضلعی امیر مولانا عبد الرحمن، مولانا عبد السمیع اور حاظ انعام میمن نے چترال ہسپتال میں ینگ، سینئر ڈاکٹرز، نرسز، پیرامیڈیکس ایسوسی ایشن کے عہدہ داروں اورتمام ممبران کے ساتھ سرکاری ہسپتالوں کوپرائیوٹایزیشن کرنے کے خلاف احتجاجی دھرنے میں شرکت کی اس موقع پر خطاب کرتے ہوئے مقرر ئین نے کہاکہ موجودہ حکومت کاعوام دشمن پالیسی ہمیں کبھی بھی منظورنہیں ہے۔انصاف کے دعویدارحکومت صحت کے شعبے میں انقلابی تبدیلی لانے کاوعدہ کرتے ہوئے عوام کوسہولیات فراہم کرنے کے بجائے مزیدمشکل میں ڈالنے کی کوشش کررہے ہیں۔انہوں نے کہاکہ سرکاری ہسپتالوں کو پرائیوٹ اداروں کے ذریعے چلانے کے معاملے پر پارلیمنٹ میں بحث ہونی چاہیے،اگرطاقت کے زورپر کچھ کریں گے تواس کے خلاف احتجاج کی جائے گی جس کی تمام ترذمہ داری حکومت پرہوگی۔،سرکاری ہسپتالوں کو پرائیوٹائزکرنے سے غریبوں کے مشکلات میں اضافہ ہوگا۔انہوں کہا کہ سرکاری ہسپتالوں سے وابستہ افراد کو حکومت کا یہ رویہ اچھا نہیں لگا، جبکہ شہری بھی یہی کہتے ہیں کہ مہنگائی کے بعد اب عوام سے مفت علاج کی سہولت بھی چھینے کی کوشش کی جارہی ہے۔
