چترال (نمائندہ چترال میل) چترال شہر میں واقع دنین کے باشندوں نے جمعہ کے روز پینے کے پانی کی گزشتہ تین مہینوں سے مسلسل بندش پر تحصیل میونسپل ایڈمنسٹریشن چترال کے ذیلی ادارہ واٹر اینڈ سینی ٹیشن یونٹ کے خلاف احتجاجی جلوس نکالا اور چیو پل پر دھرنا دے کر موٹر گاڑیوں کی ٹریفک کو تین گھنٹوں تک بلاک کیا جس کے نتیجے میں اپر چترال جانے اور آنے والے مسافروں اور خصوصاً بیماروں کو سخت تکلیف کا سامنا کرنا پڑا۔ احتجاج کی قیادت کرنے والے محمد کوثر ایڈوکیٹ، شہزادہ مبشرالملک، فدااحمد ایڈوکیٹ، شمس الرحمن المعروف سیکرٹری، سلطان محمد شیر، سجاد احمد اور دوسرے کررہے تھے جن کا کہنا تھاکہ 7جولائی کو گولین میں گلیشیر کے پھٹ جانے سے سیلاب آنے کے بعد چترال شہر کے لئے گولین گول واٹر سپلائی اسکیم سیلاب برد ہوگئی مگر اب تک حکومت نے نہ تو اسکیم کو بحال کیا اور نہ ہی کوئی متبادل انتظام کیا جس کی وجہ سے دنین کے عوام پانی کی شدید قلت سے دوچار ہیں اور ان کا جینا دوبھر ہوگیا ہے۔ انہوں نے کہاکہ انگار غون واٹر سکیم کے لائن سے روزانہ کی بنیاد پر صبح وشام دو، دو گھنٹے پانی سپلائی کرنے سے مسئلہ وقتی طور پر حل ہوگا لیکن تحصیل میونسپل ایڈمنسٹریشن اس مسئلے کو مکمل طور پر پس پشت ڈال دیا ہے جوکہ قابل مذمت ہے اور اسی وجہ سے عوام کو سڑکوں پر آنا پڑا۔ بعدازاں ضلعی انتظامیہ کی یقین دہانی پر ہڑتال کو وقتی طور پر ختم کردیا گیا جس کے بعد موٹر گاڑیوں کی ٹریفک بحال ہوگئی۔ دریں اثناء دنین لشٹ میں پانی کی قلت کو وقتی طور پر دور کرنے کے لئے فیصلہ ہوا کہ دنین گول کے قریب واقع محکمہ پبلک ہیلتھ انجینئرنگ کی واٹر ٹینک سے دو انچ قطر پائپ کے ذریعے روزانہ بھردیا جا تا رہے گا۔
تازہ ترین
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م