چترال ( نمائندہ چترال میل) ڈائرکٹر جنرل ہیلتھ ڈاکٹر محمد ارشادخان نے ڈسٹرکٹ ہیڈ کوارٹرز ہسپتال چترال کا دورہ کیا اور مختلف شعبہ جات اور وارڈوں کا معائنہ کرنے کے بعد ہسپتال کی کارکردگی پر مکمل اطمینان کا اظہار کرتے ہوئے کہا کہ چترال جیسے دورافتادہ علاقے میں سہولیات کی عدم دستیابی کے باوجود ہسپتال میں جس معیار کی سروس دی جارہی ہے، وہ قابل تعریف ہے۔ انہوں نے میڈیکل سپرنٹنڈنٹ ڈاکٹر فیض الملک جیلانی کے دفتر میں موجود ڈاکٹروں اور دوسرے افسران سے گفتگو کرتے ہوئے انہوں نے کہاکہ ہسپتال میں ڈاکٹروں کے علاوہ تمام پیرامیڈیکل اور دوسرے اسٹاف کی بھرتی کے لئے وہ عنقریب این او سی جاری کریں گے تاکہ اسٹاف کی کمی کا مسئلہ حل ہوسکے۔ ڈی جی نے کہاکہ وہ ضلعے کے تمام رورل ہیلتھ سنٹروں کا تفصیلی معائنہ کریں گے اور صحت سے متعلق جملہ مسائل حل کرنے کی کوشش کریں گے۔ انہوں نے کہاکہ صوبائی حکومت محکمہ صحت میں جدیدسسٹم متعارف کروارہاہے جس کے تحت چترال جیسے پسماندہ اضلاع کے تمام بنیادی مسائل حل کیاجائے گا۔محکمہ صحت خیبرپختونخوا ایک پراجیکٹ کے چترال سمیت کئی اضلاع کوجدیدایمبولینس دینے کافیصلہ کیاجس میں ڈاکٹر،ادویات،جدیدمشینری تمام سہولیات موجودہوں گے دور درازعلاقوں میں جاکرطبی سہولیات فراہم کئے جائیں گے۔ انہوں نے کہاکہ صوبائی حکومت نے صحت کی سہولتیں گھر گھر پہنچانے کیلئے جدید پلان مرتب کیا ہے جس کے تحت صوبہ بھر کے ہسپتالوں میں سہولیات مہیاکرنے کی کوشش کی جارہی ہے جس کے تحت ڈی ایچ کیوہسپتال میں جمع ہونے والے ریونیوسے بیس فیصد فنڈمیڈیکل سپرنٹنڈنٹ ہسپتال کی مرمت دیگراخرات میں خرچ کرنے کے اہل ہونگے۔ڈی جی ہیلتھ نے چترال میں خودکشی کی بڑھتی ہوئی رجحان پر قابو پانے کے لئے بھی متعدد اقدامات کا ذکر کیا جن پر عنقریب کام شروع کیا جائے گا۔اس موقع پر میڈیکل سپرنٹنڈنٹ ڈاکٹر فیض الملک جیلانی اور ڈسٹرکٹ ہیلتھ افیسر ڈاکٹر حیدر الملک نے ڈی ایچ کیو ہسپتال میں ایم آر آئی، سی ٹی اسکن اور دیگر سہولیات کی فراہمی اور دور دراز کے دیہاتی ہسپتالوں کے عمارتوں کی بحالی کے لئے فوری اقدام کرنے کا مطالبہ کیا۔ چیئرمین ڈیڈک اقلیتی ممبرصوبائی اسمبلی وزیرزدہ نے ڈی جی ہیلتھ کی چترال آمدپرشکریہ اداکرتے ہوئے کہاکہ چترال اب دواضلاع میں تقسیم ہوچکاہے محکمہ صحت ذمہ داروں سے گذارش کی جاتی ہے کہ فنڈزاورآلات برابری کی بنیادپردی جائے تاکہ یہاں کی پسماندگی میں کمی آجائے۔انہوں نے کہاکہ محکمہ صحت کے تمام مسائل حل کرنے کے لئے ہرپلیٹ فارم پرآواز اٹھائیں گے۔ ڈی جی ہیلتھ نے اس موقع پر ہسپتال کے ایمرجنسی وارڈ میں داخل مریضوں کی عیادت کی اور ان کی خیریت دریافت کی۔ اس موقع پر ڈپٹی ڈائریکٹرپبلک ہیلتھ خیبرپختونخوا ڈاکٹر عمران، ڈپٹی ڈائریکٹر منیجمنٹ خیبرپختونخوا ڈاکٹر قاسم، سینئر ڈسٹرکٹ اسپیشلسٹ ڈاکٹر رکن الدین، ڈاکٹر انور الدین،ڈسٹرکٹ ای پی آئی کواڈینٹرڈاکٹرفیاض رومی،ڈپٹی ڈائریکٹرڈی ایچ ڈی سی چترال ڈاکٹرارشاداحمد،ڈسٹرکٹ ٹی بی کنٹرول افیسرڈاکٹرفرح جاوید،ڈی ایم ایس ڈاکٹرشیدا،ڈاکٹرگلزاراحمد اور دوسرے بھی موجودتھے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے