چترال (نما یندہ چترال میل) جمعیت علماء اسلام تحصیل دروش کے زیر اہتمام اتوار کے روز دروش ریسٹ ہاؤس میں ایک عظیم الشان عید ملن پارٹی کا انعقاد کیاگیا جسمیں کثیر تعداد میں جمعیت کے کارکنان اور دیگر لوگوں نے شرکت کی۔ ملک کے معروف نوجوان عالمدین مفتی عدنان کاکاخیل نے اس تقریب میں بحیثیت مہمان خصوصی شرکت کی۔ عیدملن تقریب سے مفتی عدنان کاکاخیل کے علاوہ جمعیت علماء اسلام کے ضلعی امیر مولانا عبدالرحمن، ایم پی اے مولانا ہدایت الرحمن، جماعت اسلامی کے ضلعی امیر مولانا جمشید احمد،سنیئر نائب امیر قاری جمال عبدالناصر، جے یو آئی اپر چترال کے سنیئر نائب امیر مولانا فتح الباری، ممبر ضلع کونسل قاضی فتح اللہ، جے یو آئی تحصیل دروش کے امیر مولانا امین احمدکے علاوہ مولانا نقیب اللہ رازی، مولانا کفایت اللہ، قاضی نذیراللہ،ممبر ضلع کونسل شیر محمد، قاری فضل حق، رضیت با اللہ، صلاح الدین طوفان و دیگر نے خطا ب کیا۔ تقریب سے اپنے خصوصی خطاب میں مفتی سید عدنان کاکاخیل نے بھرپور استقبال پر کارکنان جمعیت کا شکریہ ادا کیا اور کہا کہ چترال کے لوگوں نے جو محبت دی ہے اسے کبھی نہیں بھلایا جا سکتا۔ انہوں نے کہا کہ مجھے خوشی ہوئی کہ چترال میں جمعیت ایک نا قابل تسخیر قوت بن چکی ہے۔مفتی عدنان نے کہا کہ ملکی سیاست میں جمعیت علماء اسلام کا ایک نمایان مقام ہے، اور مسلمانان پاکستان کی امیدیں اس جماعت سے وابستہ ہیں۔ انہوں نے کہا کہ تاریخ گواہ ہے کہ جمعیت نے ہمیشہ امت کی ترجمانی کا حق ادا کیا ہے۔ دیگر مقررین نے اپنے خطاب میں جے یو آئی دروش کی طرف سے شاندار تقریب کے انعقاد پر کارکنان کو مبارکباد دی۔مقررین نے کہا کہ مسلمانان چترال کے خواہشات کے عین مطابق چترال میں آئندہ بھی دینی جماعتوں کا اتحاد قائم رہے گا۔ انہوں نے کہا کہ ضلع چترال میں اسوقت جمعیت علماء اسلام ایک مضبوط سیاسی قوت ہے اور کارکنان باہمی اتحاد و اتفاق سے جمعیت کے پروگرام کو آگے بڑھائینگے۔ مقررین نے موجود حکومت کی پالیسیوں پر سخت تنقید کرتے ہوئے کہا کہ نیا پاکستان بنانے کے دعویداروں نے ملکی معیشت کا ستیاناس کردیا اور ملک کو آئی ایم ایف کے پاس گروی رکھدیا ہے، ملک میں مہنگائی کے ساتھ ساتھ بے روزگاری میں مسلسل اضافہ ہورہا ہے جو کہ موجودہ حکمرانوں کی نا اہلی کا منہ بولتا ثبوت ہے۔ انہوں نے کہا کہ قائد جمعیت کے اعلان کے مطابق بہت جلد اس حکومت کے خلاف اسلام آباد میں دھرنا دیا جارہا ہے جس میں چترال سے کارکنان بھرپور انداز میں شرکت کرینگے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے