چترال (نما یندہ چترال میل) چترال کے جنوب میں تین الگ تھلگ جنت نظیر وادیوں بمبوریت، رمبور اور بریر میں بسنے والے منفرد اور قدیم ترین تہذیب کے حامل کالاش قبیلے کا سال میں سب سے اہم اور موسم بہار کے سلسلے میں منائی جانے والی فیسٹول چیلم جوشٹ کا باقاعدہ آغاز منگل کے روز رمبور وادی میں دودھ پلانے کی خصوصی رسم سے ہواجس میں ہر عمر کے مرد وزن اور بچوں نے شرکت کی اور عبادت گاہ میں رکھے گئے دیوتاؤں پر دودھ چھڑکنے اور آنے والی موسم گرما کے دوران بہتر حالات کے لئے اجتماعی دعا کے بعد روایتی ناچ اور گانے میں مصروف ہوگئے۔ اس دن تمام کالاش نت نئے کپڑوں میں ملبوس تھے جبکہ گھروں اور گلیوں کو کسی کے استقبال کی طرح سجائے گئے تھے۔ رمبور گاؤں میں ہر سو خوشی کا ہی سماں نظرآرہا تھا اور مختلف مقامات پر اجتماعی ناچ گانے کے بعد سب سے بڑا پروگرام چہار سو کے نام سے قائم گروم گاؤں میں شروع ہواجوکہ رات گئے تک جاری رہے گا۔ چہار سو میں ہر عمر کے مردو خواتین الگ ٹولیوں میں ایک دائرے میں رقص کررہے تھے جبکہ وقفے وقفے سے مترنم نعرے لگاتے رہے جن سے وادی کی پہاڑیں گونج اٹھتے رہے۔ تینوں وادیوں کی پہاڑوں سے چند ہفتے قبل ہی برف پگھل جانے کے بعد موسم بہار اپنی جوبن پر ہے اور ہر طرف ہریالی ہی ہریالی دیکھنے والوں کی آنکھوں کو خیرہ کرکے رکھ دیتی ہے تو وادی کی لمبائی کے رخ میں بہنے والی ندی کی شور نے وادی میں نئے آنے والوں پر عجیب سی کیف پیدا کردی تھی۔رمبور وادی میں چیلم جوشٹ کا احتتام بدھ کے روز، بمبوریت میں جمعرات اور بریر میں جمعہ کے روز ہوگا۔ منگل کے روز بمبوریت وادی میں گہماگہمی دیکھنے میں آئی جوکہ سب سے بڑی کالاش وادی ہے جہاں پر ہوٹل اور دوسری سہولیات موجود ہونے کی وجہ سے ذیادہ تعدادمیں سیاح پہلے اسی وادی کا رخ کرتے ہیں۔ بریر سے آمدہ اطلاعات کے مطابق چیلم جوشٹ کی تیاریاں اپنی عروج کو پہنچ چکی ہیں جہاں پر کالاش تہذیب وثقافت بالکل قدیم اور اصل شکل میں موجود ہے۔ فیسٹول کی وجہ سے وادیوں میں ہوٹل اپنی گجائش کے مطابق بھر گئے ہیں جبکہ ٹورزم کارپوریشن خیبر پختونخوا (ٹی سی کے پی)نے بمبوریت میں سیاحوں کے لئے خیمہ بستی کا انتظام کیا ہے تاکہ باہر سے آنے والے سیاحوں کو ہوٹلوں میں کمرا نہ ملنے پر تکلیف کا سامنا نہ ہو۔ غیر ملکی سیاحوں کی بڑی تعداد اس مرتبہ دیکھی گئی جبکہ ملک کے دیگر حصوں سے بھی سیاح تہوار سے لطف اندوز ہونے پہنچ گئے ہیں البتہ رمضان المبارک کی وجہ سے چترال کے مقامی لوگ کم تعداد میں دیکھے جارہے ہیں۔ سیاحوں کو کالاش وادیوں تک پہنچنے میں رہنمائی سمیت وادیوں کے اندر فیسٹول کے دوران مختلف سہولیات کی فراہمی کے لئے ٹی سی کے پی نے خصوصی انتظام کیا ہے۔ رمبور میں آئی ہوئی ایک فرانسیسی خاتون نے مقامی میڈیا کو بتایاکہ انہوں نے کالاش لوگوں اور ان کی تہذیب سے متعلق جو بھی سنا تھا، بالکل وہی پایا جوکہ ان کے لئے خوش کن ہے جبکہ یہ وادی دنیا کے خوبصورت ترین ٹورسٹ ریزرٹوں میں ایک ہے۔ انہوں نے کہاکہ کالاش جیسے بھولے بھالے اور اپنی ثقافت سے محبت کرنے والے دنیامیں کہیں نہیں ہیں اور چیلم جوشٹ فیسٹول میں شرکت کرکے ان کوبہت خوشی مل رہی ہے۔ بیرون ملک اور اندرون ملک سے سیاحوں کی آمد کا سلسلہ جاری ہے۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی