چترال(نمائندہ چترال میل)ڈی۔پی۔اوچترال محمد فرقان بلال(پی ایس پی) نے علاقہ ارندو (بارڈرایریا) میں کھلی کچہری منعقد کی جس میں علاقہ عمائدین، مشران،پی ایل سی ممبران اورویلیج کونسل کیممبران نے کثیر تعداد میں شرکت کی۔عمائدین نیڈی۔پی۔او چترال کوعلاقہ کے مسائل سے آگاہ کیا- ڈی۔پی۔او چترال نے پولیس سیمتعلقہ مسائل کے حل کے لئیموقع پراحکامات جاری کیے۔علاقہ میں تعلیم کے میدان میں درپیش مسائل سے متعلق ڈی۔ پی۔اوچترال نے چترال پولیس میں سے 4 قابل اساتذہ مہیا کرنے کے احکامات بھی جاری کیے جوآنے والے ہفتے سے ارندو کے بچوں کو تعلیم کے زیور سے منور کریگے۔ کھلی کچہری میں دیگر محکموں کے مسائل سے متعلق استدعا کی گئی کہ ڈی۔پی۔اوچترال ان عوامی مسائل کو دیگرمحکموں کے آفسران بالا کے گوش گزار کرے۔ ڈی۔پی۔اوچترال نیاس بات کی بھی یقین دہانی کی کہ وہ انکے تحفظات اور مطالبات متعلقہ اداروں کے سربراہان تک پہنچائینگے۔کھلی کچہری میں پی ایل سی ممبران کی موجودگی کوغنیمت جان کر ڈی۔پی۔اوچترال نیعلاقائی سطح پر ہونیوالیمسائل کو باہمی مشاورت اورجرگہ سسٹم سیحل کرنے کی ہدایت کی اوران کی سابقہ کارگردگی کو بھی سراہا۔آخرمیں ڈی۔پی۔اوچترال نیارندو کیعوام سے وعدہ کیا کہ وہ آئندہ ہونے والی کھلی کچہری میں ضلعی سربراہان کو شرکت کی دعوت دینگے۔اس طرح کھلی کچہری دعائیہ کلمات سے اختتام پزیر ہوئی
