چترال ( نمائندہ چترال میل )گزشتہ روز کمانڈنٹ چترال سکاؤٹس کرنل معین الدین صاحب نے اپر چترال کے دور افتادہ گاؤں شاگروم اور تریچ ویلی کا دورہ کیا دورے میں کمانڈنٹ صاحب نے گورنمنٹ پرائمری سکول شاگروم میں بحیثیت مہمان خصوصی شرکت کی. سکول کے پرنسپل, اساتذہ, علاقے کے عمائدین اور مختلف سکولوں کے بچوں نے کمانڈنٹ صاحب کا پرتباک استقبال کیا. بعدازاں مختلف سکولوں کے بچوں کے درمیان ملی نغمے, نعت خوانی, تقاریر اور بیت بازی کا شاندار مقابلہ ہوا جس میں نمایاں پوزیشن حاصل کرنے والے طلبأوطالبات میں انعامات تقسیم کیے اور سکول کیلیے بناۓ گۓ کمروں کا بھی افتتاح کیا.کمانڈنٹ صاحب نے اپنے خطاب میں کہا کہ چترال کے لوگ نہایت تعلیم یافتہ بااخلاق اور ذہین ھیں. حلانکے چترال ایک پسماندہ علاقہ ہونے کے باوجود چترال کے بچے تعلیم کے جزبے سے سرشار ھیں. اور ان میں ٹیلینٹ ہے کمانڈنٹ صاحب نے مختلف سکولوں سے آۓ ہوے بچوں کی حوصلہ افزائی کی اور مزید محنت اور لگن سے پڑھائی کی ھدایت کی.
بعدازاں کمانڈنٹ صاحب نے علاقے کے بزرگوں, بچوں اور غریب افراد میں گرم سویٹر, گرم کپڑے, کوٹ اور سکول کے بچوں میں اسٹیشنری کے سامان اور مٹھائیاں وغیرہ تقسیم کیے اور سکول کے ہر قسم کے مسائل کو مکمل طور پر حل کرنے کی یقین دہانی کرائی اور کہا کہ چترال سکاؤٹس میں جب بھی بھرتی ہو جائے تو پسماندہ علاقے کے لوگوں کو ترجیح دی جائے گی.
کمانڈنٹ صاحب کی اس کاوش سے سکول کے پرنسپل, اساتذہ, بچے اور عمائدین نے کمانڈنٹ صاحب, پاک ارمی اور چترال سکاؤٹس کا شکریہ ادا کیا اور پاک ارمی, چترال سکاؤٹس زندہ باد پاکستان پائندہ باد کے نعرے لگائے۔
