چترال(نمائندہ چترال میل) چترال ٹاون کی ایک اور بیٹی نے خود کشی کر لی چترال پولیس کے مطابق دختر شرین سکنہ ہون ٖ چترال نے اپنے گھر کے اندر پنکھے کے ساتھ پھندا ڈال کر اپنی زندگی کا خاتمہ کر دیا۔متوفی کی عمر 22 سال اور غیر شادی شدہ تھی۔ فوری طور پر خود کشی کی وجہ معلوم نہ ہو سکی تاہم لڑکی کے خاندانی ذرایع نے بتایا کہ لڑکی کو مرگی کا مرض تھا اور ان کو دورے بھی اتے تھے۔چترال پولیس تھانہ چترال نے لاش پوسٹ مارٹم کروانے کے بعد ورثاء کے حوالہ کر دی ہے۔چترال ضلع کے اندر خودکشی کے واقعات میں تشویشناک حد تک اضافہ ہوا ہے تین مہینوں کے دوران بیس سے زیادہ خودکشی کے واقعات رونما ہو چکے ہیں جن میں زیادہ تعداد نوجوان لڑکیوں کی ہے۔