چترال (نمائندہ چترال میل) بجلی کی دستیابی کے باوجود پیڈو کی طرف سے غیر اعلانیہ اور بغیر کسی جواز کے لوڈ شیڈنگ پر سنوغر اور پرواک کے ہزاروں افراد نے جلوس نکالا اور جلسہ منعقد کیا جس میں انہوں نے روزانہ بیس گھنٹے لوڈ شیڈنگ کرنے پر شیڈو کے خلاف سخت نعرہ بازی کی جبکہ مقرریں نے حکومت کو ہدف تنقید بنالیا۔ جلسے سے خطاب کرتے ہوئے ویلج ناظم وورمحمد، نائب ناظم عید علی اور دوسرے مقامی رہنما کونسلر عیسیٰ ولی خان، صوبیدار میجر (ریٹائرڈ) غلام رسول، ماسٹر عزیز، حیدر، ولی خان نے کہاکہ گولین گول بجلی گھر میں بجلی کی وافر مقدار 108میگاواٹ موجود ہے جس سے پیڈو کو اس کی ضرورت کے مطابق بجلی فراہم کی جاتی ہے لیکن پیڈو کے حکام اپر چترال میں طویل دورانیہ کی لوڈ شیڈنگ سے صارفین کا جینا اجیرن کرررکھا ہے جس کا کوئی جواز نہیں بنتا۔ انہوں نے اس بات پر افسوس کا اظہار کرتے ہوئے کہانومنتخب صوبائی حکومت نے اپنی اس کرپشن زدہ ادارے کو قابو میں کرنے اور اسے عوام کو تنگ کرنے سے باز رکھنے کی طرف کوئی توجہ نہیں دی جارہی ہے جس کے نتیجے میں سنوغرپرواک سمیت اپر چترال کے عوام پی ٹی آئی حکومت سے بدظن ہورہی ہے۔ انہوں نے کہاکہ پیڈو کی بدا نتظامی کا یہ حال ہے کہ علاقے کا ریڈیڈنٹ انجینئر علاقے میں آنے کی بجائے پشاور میں براجمان ہے جوکہ نیا پاکستان کا نعرہ لگانے والوں کے لئے سوالیہ نشان ہے۔ سنوغر پرواک کے عوام نے حکومت کو 2ستمبر کا ڈیڈ لائن دیتے ہوئے کہاکہ بجلی کی لوڈ شیڈنگ ختم نہ ہونے پر وہ کسی بھی انتہائی قدم اٹھائیں گے جس میں روڈ بلاک شامل ہے۔
تازہ ترین
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ