چترال (محکم الدین) انتخابات کو شفاف رکھنے اور الیکشن 2018 کو ذمہ دارانہ طریقے سے انجام دینے کے حوالے سے منگل کے روز پریزائڈنگ آفیسر ز سے حلف لیا گیا۔ ایڈیشنل ڈسٹرکٹ اینڈ سیشن جج و ریٹرننگ آفیسر NA-1چترال محمد خان نے 143پریزائڈنگ آفیسران سے حلف لیا۔ اس موقع پر ڈسٹرکٹ ریٹرننگ آفیسر ڈسٹرکٹ اینڈ سیشن جج چترال اسد حمید خان، ریٹرننگ آفیسر PK-1چترال و سنیئر سول جج عابد زمان اور الیکشن کمشنر عنایت الرحمن بھی موجود تھے۔ ڈسٹرکٹ ریٹرننگ آفیسر نے اس موقع پر خطاب کرتے ہوئے کہا۔ کہ ہر پانچ سال بعد انتخابات کی یہ قومی ذمہ داری آتی ہے۔ اور شفاف الیکشن کے انعقاد کا انحصار پریزائڈنگ آفیسرز پر ہے۔ اس لئے تمام پریزائڈنگ آفیسران انتخابات کو صاف و شفاف طریقے سے انجام دینے کی کو شش کریں۔انہوں نے کہا۔ کہ ہم الیکشن میں خدمات انجام دینے والے تمام اہلکاروں کو ہر ممکن سہولت دینے کی کوشش کریں گے۔ اس کے باوجود بھی اگر سہولت کے حصول میں کسی وجہ سے کوتاہی ہوجاتی ہے۔ تو بھی اپنی فرض منصبی کو مقدم رکھیں اور اپنی ذمہ داری احسن طریقے سے انجام دینے میں غفلت اور لاپرواہی کا مظاہرہ ہر گز نہ کریں۔ اور غیر جانبدارانہ طریقے سے الیکشن پراسس مکمل کرنے کو یقینی بنائیں ۔ انہوں نے کہا۔ کہ ہماری کو شش ہو گی کہ الیکشن کے حوالے سے آپ کا اعزازیہ بھی بروقت آپ کو مل سکے۔ اور اس کیلئے انتظامات مکمل کر لئے گئے ہیں۔ قبل ازین ریٹرننگ آفیسر PK-1 عابد زمان نے پریزائڈنگ آفیسرز کو ہدایت کی۔کہ پریزائڈنگ آفیسر ز کی ٹریننگ بہت ضروری ہے۔ اس لئے جن کی ٹریننگ نہیں ہوئی ہے۔ وہ ٹریننگ حاصل کریں۔ اس کے باوجود جنہوں نے ٹریننگ لینے میں کوتاہی کی۔ تو اُن کے نام متعلقہ اداروں کو بھیج دیے جائیں گے۔ انہوں نے کہا۔ کہ جن کو دور دراز مقامات میں الیکشن ڈیوٹی پر جانا ہے۔ اُن کو سامان پہلے فراہم کئے جائیں گے۔ اور قریبی سٹیشنوں کے لئے انتخابی بیگز اور سامان کی فراہمی بعد میں کی جائے گی۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ