چترال (محکم الدین) کالاش کمیونٹی سے تعلق رکھنے والے پاکستان تحریک انصاف کے نوجوان رہنما وزیر زادہ نے چترال یونیورسٹی میں زیر تعلیم کالاش طلبہ کو تعلیمی وظائف دینے پر وزیر اعلی خیبر پختونخوا پرویز خٹک اور پراجیکٹ ڈائریکٹر چترال یونیورسٹی پروفیسرڈاکٹر بادشاہ منیر بخاری کا شکریہ ادا کیا ہے۔ اور اسے اقلیتی طلباء میں فروغ تعلیم کیلئے اہم سنگ میل قرار دیا ہے۔ اپنے ایک اخباری بیان میں انہوں نے کہا۔ کہ کالاش کمیونٹی سے تعلق رکھنے والے طلباء و طالبات مالی مشکلات کی بنا پر تعلیم سے محروم رہتے ہیں۔ جن کی حکومتی سطح پر مالی مدد کی اشد ضرورت ہے۔ انہوں نے کہا کہ پراجیکٹ ڈائریکٹر چترال یونیورسٹی کی کوششوں سے وزیر اعلی خیبر پختونخوا اسٹوڈنٹس سکالر شپ پروگرام کے تحت کالاش طلباء کو دی جانے والی تعلیمی وظائف سے اقلیتی طلبہ کو تعلیم کا حوصلہ ملا ہے، خصوصا اُن مایوس طلباء وطالبات کو چترال یونیورسٹی میں داخلے کی امید پیدا ہو گئی ہے۔ جو مالی وسائل کی کمی کے باعث تعلیم ادھوری چھوڑنے پر مجبور تھے۔ وزیر زادہ نے کہا۔ کہ کالاش قبیلے کے بچے بچیوں میں تعلیم کے ساتھ دلچسپی بدرجہ اتم موجود ہے ۔ صرف طلبہ کو حکومت کی طرف سے سپورٹ کی ضرورت ہے۔ قبیلے کے لوگ تعلیم کی اہمیت سے باخبر ہو چکے ہیں۔ اور وہ اپنے بچوں کو تعلیم کی دولت سے بہراور کرنے میں انتہائی دلچسپی رکھتے ہیں۔ انہوں نے موجودہ صوبائی حکومت کی طرف سے طلبہ کو تعلیمی وظائف دینے ،کالاش ویلیز میں گرلز ہائرسیکینڈری سکول، گرلز ہاسٹل، اور دیگر سکولوں کی تعمیر پر صوبائی حکومت اور وزیر اعلی پرویز خٹک کا شکریہ ادا کیا۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی