چترال (نمائندہ چترال میل)معروف سماجی کارکن ریٹائرڈ صوبیدار امیر اللہ نے اپنے ایک اخباری بیان میں کہا ہے کہ انتخابات کا موسم شروع ہوتے ہی چترال کے مختلف علاقوں خصوصاً گرم چشمہ میں بے نظیر انکم سپورٹ پروگرام کے فارم تقسیم کرکے لوگوں کو دھوکہ دینے کی کوشش کی جارہی ہے کہ اگر ہمیں ووٹ دیں گے تو بے نظیر انکم سپورٹ کے کارڈ کے حقدار بنیں گے۔ یہ سراسر دھوکہ دہی اور نا انصافی ہے۔ بے نظیر انکم سپورٹ پروگرام کسی مخصوص پارٹی کا ذاتی فنڈ نہیں ہے بلکہ یہ حکومت پاکستان کے خزانے سے غریب افراد کو امداد کی صورت میں تقسیم کیا جاتا ہے۔ اس فنڈ کے حصول کے لئے پیپلز پارٹی کو ووٹ دینا لازمی نہیں ہے۔ حکومت کے فنڈز کے حصول کو اپنے ذاتی مقاصد کے لئے استعمال کرنا قانوناً جرم ہے۔ مگر کچھ عناصر اس کارڈ کے بہانے لوگوں سے ان کے شناختی کارڈ وصول کئے جارہے ہیں جو قبل از وقت دھاندلی کے زمرے میں آتا ہے۔ الیکشن کمیشن اور نیب کو اس سلسلے میں بروقت کارروائی کرنی چاہئے اور ذمہ داروں کو اگلے انتخابات کے لئے نااہل قرار دینا چاہئے۔انہوں نے مزید الزام لگایا کہ پروجیکٹ لیڈر کے نام پر چترال کے پورے علاقے سے ملکی خزانے کے پیسے سے لوگوں کو خریدنے کی کوشش بھی جاری ہیں۔ دو دو لاکھ کے حساب سے تقسیم کئے جانے والے ان رقوم کا کوئی حساب ہونا چاہئے۔ چترال کے تمام سیاسی پارٹیوں کو اس بات پر کوئی مشترکہ لائحہ عمل طے کرنا چاہئے تاکہ ان کے ووٹ بینک پر دھاندلی کے ذریعے وقت سے پہلے ہی کوئی قبضہ نہیں کرسکے۔اس پر الیکشن کمیشن کو بھی فوری کارروائی کرنی چاہئے۔ تاکہ سیاسی افراد عوام کو بے وقوف بنا کر انتخابات سے پہلے ووٹ خریدنے میں کامیاب نہ ہوسکیں۔ ضلعی انتظامیہ خصوصاً ڈی سی صاحب کو بھی اس بات پر توجہ دینی چاہئے کہ حکومتی خزانے سے لوگوں کی ذاتی جیبوں میں جو پیسہ جارہا ہے اس کا ضلع کے مجموعی حالات پر کیا اثرات ہوں گے۔ اگر الیکشن کمیشن اور ضلعی انتظامیہ نے اس قبل از وقت دھاندلی کو روکنے کی کوشش نہیں کی تو چترال کے غیور عوام راست اقدام اٹھانے پر مجبور ہوں گے۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی