خیبر پختونخواکے چیف سیکرٹری اعظم خان کی ہدایات کی روشنی میں اسسٹنٹ کمشنر چترال ساجد نواز نے ویلج کونسل برر جوکہ ضلع چترال کے وادی کیلاش کا ایک دور افتادہ علاقہ ہے میں آج ایک کھلی کچہری منعقد کی۔ انہوں نے اس موقع پر عوام کو درپیش کئی مسائل کے بارے میں موقع ہی پر احکامات جاری کئے جن میں ادویات کی فراہمی، سڑک پرکام کی سست رفتار بی ایچ یو ز کو کلاس فور اور لیڈی ہیلتھ وزیڑز سمیت علاقے کو پولیس / لیویز کی فراہمی جیسے مسائل شامل تھے۔ کھلی کچہری میں تمام محکموں کے ضلعی حکام اور عوام کی کثیر تعداد موجود تھی۔