چترال (نمائندہ چترال میل) آل پرائمری ٹیچر ایسو سی ایشن (APTA)کا ایک اہم اجلاس 24دسمبر 2017ء کو جی پی ایس چترال میں منعقد ہوا۔ تحصیل چترال کے علاوہ دوسرے تحصیل کے عہدیداروں کی کثیر تعداد نے شرکت کی۔اجلاس کے شرکاء نے باری باری اپنے خیالات کا اظہار کیا اور دوبارہ موجودہ صدر اور جنرل سیکرٹری پر آئندہ الیکشن تک اعتماد کا اظہار کیا۔ اور حیدر احمد کو اپٹا ضلع چترال کے لئے صدر اور سعید اللہ کامران کو جنرل سیکرٹری تعینات کیا گیا۔اس قرارداد کے ذریعے ڈی ای او (میل) چترال اور ڈی ای او (فیمل) چترال کے نوٹس میں لایا جاتا ہے کہ APTAضلع چترال کا نمائندہ تنظیم ہے۔اور APTAکے پی کے اراکین نے باہمی مشاورت سے مذکورہ عہدیداروں کی حق میں تصدیقی نو ٹیفیکیشن بھی جاری کیا۔
