چترال (نما یندہ چترال میل) چترال سے بونی اوی جاتے ہوئے جیپ نمبر چترال بی 1026جسے فدا محمد چلا رہا تھا،برنس کے مقام پہان لشٹ میں خراب سڑک کے باعث بے قابو ہو کر سینکڑوں فٹ نیچے کھائی میں جا گری۔ جس کے نتیجے میں فدا محمد کی والدہ (ریٹائرڈ سکول ٹیچر )حواگل زوجہ ہدایت خان جان بحق جبکہ وہ خود اور جیپ میں سوار اُ ن کے رشتہ دار اکبر ولی ولد لالی زخمی ہو ےء۔ جان بحق خاتون کی نعش اوی پہنچا کر سپرد خاک کی گئی۔ جبکہ زخمیوں کو آ غا خان میڈیکل سینٹر بونی میں داخل کر دیا گیا ہے۔ واضح رہے ایک ہفتہ قبل اس سے تھوڑے فاصلے پر ایک اور حادثہ ہوا تھا۔ جس میں تین افراد جان بحق ہوئے تھے۔ ذرائع کے مطابق سڑک میں جا بجا پہاڑی تودے اور ملبہ گرنے سے سڑک تنگ رہ گئی ہے، جس کی وجہ سے روز روزیہ حادثات وقوع پذیر ہوتے ہیں۔